Թենիսի կորտերի տարածքը կառուցապատման համար տրվելու է Երևանին 254 մլն դրամ նվիրաբերած Evocabank-ի բաժնետիրոջը

Տնտեսություն

12.01.2024 | 14:50

Լուրեր

11.04.2025 | 23:44

Ապրիլի 14-ին Հայաստանի մի շարք հասցեներում էլեկտրաէներգիայի անջատումներ կլինեն

11.04.2025 | 23:30

Պուտինի և Ուիթկոֆի հանդիպումն ավարտվել է

11.04.2025 | 23:22

ՀՀ-ԵՄ մուտքի արտոնագրերի ազատականացման երկխոսության շրջանակում ՀՀ է ժամանել ԵՄ փորձագիտական երկրորդ առաքելության պատվիրակությանը

11.04.2025 | 23:21

Ադրբեջանի և Իրանի պատվիրակությունները Կովսականում և Նախիջևանում ծանոթացել են ճանապարհների և էլեկտրաէներգիայի ոլորտում իրականացվող համատեղ նախագծերին

11.04.2025 | 23:09

Մեսսին իր հետևորդներին տեղեկացրել է Թումոյի մասին

11.04.2025 | 22:48

Վնասվել են անձրևատար խողովակներ, սյուներ, ալեհավաքներ, տապալվել են ծառեր. քամու հետևանքները

11.04.2025 | 22:36

Արցախի ղեկավարների շինծու գործերով նիստում «տուժողներ» են ցուցմունք տվել

11.04.2025 | 22:28

Անգերազանցելի նաև ձեռքի սեղմման ուժում. Արթուր Ալեքսանյանը նոր ռեկորդ է գրանցել

11.04.2025 | 22:27

Վթար Մարտունի-Վարդենիս ավտոճանապարհին. կան տուժածներ

11.04.2025 | 22:13

Անթալիայում Ալիևը հանդիպել է Սիրիայի նախագահին և նրան Բաքու հրավիրել

11.04.2025 | 21:59

Կապահովվի տեսակապով մեղադրյալի մասնակցությունը դատական նիստին․ նախագիծը հանրային քննարկման փուլում է

11.04.2025 | 21:46

Սի Ցզինպինը հայտարարել է, որ Չինաստանն ու ԵՄ-ն է պետք միասին դիմակայեն Թրամփի մաքսատուրքերին

11.04.2025 | 21:34

Թրամփը ՌԴ-ին կոչ է արել գործել՝ Ուկրաինայի հետ պատերազմը դադարեցնելու համար

11.04.2025 | 21:21

Մրցույթ՝ առանց մրցակցության․ ինչպես է քաղաքապետարանն ընտրել Կասկադի կառուցապատողին․ ՏԵՍԱՆՅՈՒԹ

11.04.2025 | 21:16

Ալիևի ներկայացուցիչը խոսել է խաղաղության պայմանագրի խոչընդոտներից

Բոլորը

«GreenRock Management Group» ընկերությունը, որը դիմել է Երևանի քաղաքապետարան Օղակաձև զբոսայգու 4-րդ հատվածում կառուցապատում իրականացնելու համար, պատկանում է ամիսներ առաջ Երևանին 254 մլն ՀՀ դրամ նվիրաբերած Evocabank-ի անվանական բաժնետոմսերի 100%-ի և թողարկման արտոնյալ բաժնետոմսերի 100%-ի բաժնետեր Մարետա Գևորկյանին։

Այս մասին Factor.am-ը տեղեկանում է իրավաբանական անձանց պետական ռեգիստրից և Evocabank-ի պաշտոնական տեղեկագրից, որտեղ նաև նշված է, որ Մարետա Գևորկյանը Շվեյցարիայի մշտական բնակիչ է, բայց ունի նաև ՀՀ քաղաքացիություն։

Եթե 1950-ականներից գործող «Արարատ» ակումբին պատկանող թենիսի կորտերի մասնավոր տարածքը ճանաչվի հանրային գերակա շահ, ապա «GreenRock Management Group» ընկերությունն այդտեղ կառուցապատում կիրականացնի՝ առանց մրցույթի։ Ուշագրավ է, որ այս գործարքը տեղի է ունենալու Մարետա Գևորկյանի կողմից Երևանին խոշոր գումար նվիրաբերելուց հետո։ Ի դեպ, Evocabank-ը այդ գումարը փոխանցել էր, որպեսզի վերանորոգվեր համայնքին պատկանող Բագրատունյաց պողոտա 48/1 հասցեում գտնվող շենքը։

Ուշագրավ է, որ այդ ժամանակ փոխքաղաքապետ Տիգրան Ավինյանը Factor TV-ի հարցին ի պատասխան ասել էր, որ նվիրատվությունը եղել է առանց ակնկալիքների կամ պայմանավորվածությունների։ Փաստորեն, այդ նվիրատվությունից ավելի քան կես տարի անց հայտնի է դառնում ընկերությանը առանց մրցույթի Երևանի կենտրոնում տարածք տրամադրելու մտադրության մասին։

Անդրադառնալով «GreenRock Management Group» ընկերությանը՝ նշենք, որ այն հիմնադրվել է 2023 թվականի փետրվարի 21-ին՝ Մարետա Գևորկյանի կողմից Երևանին գումար փոխանցելուց շուրջ 4 ամիս առաջ։

Նշենք, որ Մարետա Գևորկյանը տիրապետում է «GreenRock Management Group» ընկերության 100 տոկոս բաժնեմասին, որի կանոնադրական կապիտալը 50 միլիոն դրամ է։

«GreenRock Management Group» միջազգային կառուցապատող ընկերությունը Դիլիջանի համայնքապետարանի հետ համագործակցությամբ այս ամիսների ընթացքում հիմնանորոգել է Դիլիջանի մարզահամալիրը, որի բացմանը ներկա էր նաև վարչապետ Նիկոլ Փաշինյանը։

Ի դեպ, 2023 թվականը Մարետա Գևորկյանի համար եղել է բավականին հաջողակ տարի․ նա օգոստոսի 3-ին հիմնադրել է մեկ այլ ընկերություն՝ «Ալբա Վեստե» ՍՊԸ-ն և ձեռք է բերել 2018 թվականին հիմնադրված «Բոխյան» ՍՊԸ-ն։

Թենիսի կորտերի ապամոնտաժման կամ այլ վայր տեղափոխման խնդրին Factor TV-ն անդրադարձել էր օրեր առաջ:

Իսկ Բանկի և քաղաքապետարանի հարաբերություններին Factor TV-ն անդրադարձել էր ամիսներ առաջ, երբ ավագանու նախկին անդամ Էռնեստ Ավանեսովը նիստի ընթացքում ասել էր, որ Evocabank-ի` համայնքին խոշոր նվիրատվությունից հետո քաղաքապետարանից գրություններ են ուղարկվել համայնքի ենթակայությամբ գործող մարզադպրոցներ, որպեսզի աշխատավարձերը ստանան Evocabank-ի բանկային քարտով։

Արփի Հակոբյան

Նարեկ Կիրակոսյան