08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Բաքուն հայտնում է, որ Արցախում նախագծերի իրականացման համար թուրքական ընկերությունների հետ 3,4 մլրդ դոլարի պայմանագրեր է կնքել
Քաղաքականություն
21.12.2023 | 22:50
Ադրբեջանը 2021-2023 թվականներին պետբյուջեից 7 միլիարդ դոլար է հատկացրել Արցախի տարածքներում վերականգնողական աշխատանքների համար։ Ադրբեջանական լրատվամիջոցների փոխանցմամբ՝ այս մասին հայտարարել է Ադրբեջանի ֆինանսների նախարար Միքայիլ Ջաբբարովը։
Նա նշել է, որ աշխատանքներում ներգրավված են թուրքական ընկերությունները։
«Ուրախալի փաստն այն է, որ թուրքական ընկերություններն ակտիվորեն մասնակցում են այդ նախագծերին։ Մինչ օրս նրանց հետ կնքվել են 3,4 միլիարդ դոլարի պայմանագրեր»,- Բաքվում ադրբեջանա-թուրքական ներդրումային համաժողովի ժամանակ ասել է Ջաբբարովը։
Պաշտոնյան նաև նշել է, որ ադրբեջանական ներդրումային ընկերությունը բանակցություններ է վարում թուրք գործընկերների հետ և 5 նախագիծ է պատրաստել Արցախում փոքր հիդրոէլեկտրակայանների վերականգնման համար։
Հավելենք, որ Ադրբեջանի կառավարությունը չի հանրայնացնում, թե ինչ սկզբունքով են ընտրվում այս կամ այն ընկերությունները՝ Արցախում տարբեր աշխատանքներ իրականացնելու համար։ Մրցույթներ, եթե նույնիսկ անցկացվում են, ապա լայն հասարակայնության ուշադրությունից հեռու՝ յուրային գործարարների համար։ Բոլոր խոշոր ծրագրերն իրականացնում են Ադրբեջանի նախագահ Իլհամ Ալիևին ու նրա ընտանիքին պատկանող, ինչպես նաև Թուրքիայի նախագահ Ռեջեփ Թայիփ Էրդողանի անդամների ու մերձավորների ընկերությունների կողմից։
Factor TV-ն ավելի վաղ անդրադարձել է Արցախում Ալիևի ու Էրդողանի համատեղ բիզնես նախագծերին, ինչպես նաև Թուրքիայի նախագահի մերձավորների բիզնես գործունեությանը։
Էմմա Չոբանյան
