Սոցցանցերն այնպիսի ուժ են ստացել, որ հնարավոր է սևացնել ցանկացած մարդու. ապաքաղաքական զրույց Հարություն Մանսուրյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է «Հետք» մեդիագործարանի ղեկավար Հարություն Մանսուրյանը: Նա միանգամայն բնական է համարում, որ որակյալ լրագրողական նյութն ավելի քիչ հետաքրքրություն է առաջացնում, քան Ազգային ժողովի միջանցքում, թեկուզ աննշան, միջադեպը: Այնուամենայնիվ, հաղորդման հյուրը վստահ է, որ լրագրողների հիմնական առաքելությունը պատմություններ ներկայացնելն է՝ փորձելով հնարավորինս շատ փաստեր հավաքել այդ պատմության շուրջ:

Ո՞րն է այսօր լրագրողի կարևորագույն խնդիրը: Պատասխանելով այս հարցին՝ մեդիագործարանի ղեկավարը նշում է, որ դա ինքնագրաքննությունն է: Պատրաստելով այս կամ նյութը՝ լրագրողը սովորաբար մտահոգվում է, թե ինչպիսի արձագանք է այն գտնելու սոցցանցերում, արդյո՞ք նրա վրա չի հարձակվելու «ֆեյքերի բանակը» և այլն: Հարություն Մանսուրյանը նշում է, որ սոցցանցերի պայմաններում ցանկացած մարդու սևացնելը կամ, համենայնդեպս, նրան փորձ անելը հեշտ է:

Նույն սոցցանցերը նպաստում են հասարակության հատվածականությանը, երբ մարդիկ ստեղծում են խմբեր, ընտրում են «ընկերական շրջապատ», որը նպաստում է որոշ սահմանափակ գաղափարների տարածմանը և հաճախ՝ այդ գաղափարները չկիսողների հանդեպ ատելությանը:

Չհերքելով այդ երևույթը՝ հաղորդման հյուրը կարծում է, որ շատ բան կախված է նրանից, թե ինչպես են ընտրվում «ընկերները» սոցցանցերում: Հարություն Մանսուրյանն իր էջում ստեղծում է այնպիսի վիճակ, որը գրեթե բացառում է սոցցանցային «աղբի» տարածմանը:

Մանրամասները՝ տեսանյութում:

Արամ Աբրահամյան