16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Հայաստանի Հանրապետությունում երկիրը չի կարող ունենալ 2 ղեկավար. Նիկոլ Փաշինյանը՝ վարչապետի և նախագահի լիազորությունների բալանսավորման մասին. ՏԵՍԱՆՅՈՒԹ
Քաղաքականություն
20.07.2018 | 13:02
Հանգամանքների բերումով Դուք կրում եք, սուպերվարչապետական կոստյումը, որը պատրաստվել էր Սերժ Սարգսյանի հագով, արդյո՞ք հարմարավետ եք զգում Ձեզ դրա մեջ և չե՞ք ցանկանում դրանից հրաժարվել և բալանսավորել վարչապետի և նախագահի լիազորությունները՝ հնչեցված հարցին Նիկոլ Փաշինյանը պատասխանեց.
«Դուք ասում եք վարչապետի և նախագահի լիրազորությունների բալանսավորման մասին, իսկ ո՞վ է ասում, որ բալանսավորումը պետք է լինի դրանց միջև, և բալանսավորումը չի կարող տեղի ունենալ վարչապետի և նախագահի միջև։ Օրինակ, դուք գիտեք ո՞վ է Գերմանիայի նախագահը։ Գիտեք, շնորհավորում եմ Ձեզ այդ կապակցությամբ, որովհետև շատերը չգիտեն։ Եթե պետությունը կարող է ունենալ երկու ղեկավար, ուրեմն դա այդ պետության վերջն է։ Հայաստանի Հանրապետությունում պետությունը չի կարող ունենալ երկու ղեկավար, ինչպես Գերմանիան չի կարող ունենալ երկու ղեկավար։ Հայաստանում այսօր հաստատված է խորհրդարանական համակարգ, և հետևաբար, իշխանությունը, պետության պատասխանատվությունը և ղեկավարումը դրված է կառավարության ու վարչապետի վրա։ Բալանսավորումը չի կարող տեղի ունենալ վարչապետի և նախագահի միջև։ Բալանսավորումը պետք է տեղի ունենա օրենսդիր, գործադիր ու դատական իշխանությունների միջև։ Թեև չեմ բացառում, որ նախագահի ինստիտուտի համար ևս մեկ-երկու արարողակարգային լիազորություններ ավելացնենք»,- ասաց Փաշինյանը։
Մանրամասները՝ տեսանյութում:
