24.11.2024 | 16:07
1 մլրդ դրամ՝ Երևանի ու մարզերի թատրոնների, համերգային դահլիճների, նվագախմբերի համար գույք, տեխնիկա գնելու համար․ ՏԵՍԱՆՅՈՒԹ
Էրդողանը կարծում է, որ ամերիկացի սենատոր Մենենդեսի հետ կապված սկանդալը կարագացնի Թուրքիային F-16 ինքնաթիռների փոխանցումը
Քաղաքականություն
26.09.2023 | 23:30
Դեմոկրատ սենատոր Ռոբերտ Մենենդեսի դատավարությունը և նրա հեռացումը ԱՄՆ Սենատի արտաքին հարաբերությունների հանձնաժողովի ղեկավարի պաշտոնից Թուրքիային հնարավորություն է տալիս արագորեն ձեռք բերել F-16 կործանիչներ։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է Ինտերֆաքսը։
«Այս զարգացման շնորհիվ մենք կարող ենք հնարավորություն ունենալ արագացնել F-16-երի գնումը: Մենենդեսը և նմանատիպ մտածելակերպ ունեցող մարդիկ խոչընդոտներ են ստեղծում ոչ միայն F-16-ի դեպքում, այլև բոլոր այլ հարցերում»,- Էրդողանի խոսքերն է մեջբերում «Hürriyet»-ը։
Ավելի վաղ ԱՄՆ վարչակազմը կասեցրել էր Թուրքիայի հետ 40 նոր F-16-երի և գործող ինքնաթիռների արդիականացման փաթեթների մատակարարման գործարքը, քանի որ մի խումբ կոնգրեսականներ հրաժարվել էին համաձայնություն տալ դրան, քանի դեռ Թուրքիան չի վավերացրել Շվեդիայի՝ ՆԱՏՕ-ին անդամակցելու դիմումը։ Միաժամանակ, սենատոր Մենենդեսը, որն արտաքին հարաբերությունների հանձնաժողովի նախագահն էր, արգելափակել էր F-16-ի վաճառքի գործընթացը։
Հիմա Էրդողանը հայտարարել է ԱՄՆ պետքարտուղար Էնթոնի Բլինքենի հետ կրկին այս հարցը քննարկելու մտադրության մասին։ Նա հավելել է, որ Անկարան Վաշինգտոնից հստակ դիրքորոշում է ակնկալում F-16-ի վաճառքի հարցում։
Անցյալ շաբաթ ԱՄՆ Արդարադատության նախարարությունը Մենենդեսին և նրա կնոջը մեղադրել էր կոռուպցիայի և Եգիպտոսին գաղտնի օգնություն ցուցաբերելու համար իրենց ազդեցությունն օգտագործելու համար:
