15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Բժիշկները պահանջում են ԿԽՄԿ-ից Արցախից վիրավորներին տեղափոխել Երևան․ ՏԵՍԱՆՅՈՒԹ
22.09.2023 | 16:00
Կարմիր խաչի միջազգային կոմիտեի հայաստանյան գրասենյակի դիմաց հավաքվել են բժշկական համայնքի ներկայացուցիչներ՝ ակնկալելով հանդիպել ԿԽՄԿ գասենյակի ղեկավարության հետ՝ ներկայացնելու իրենց պահանջն ու լսելու, թե ինչ է արել միջազգային այդ կազմակերպությունն այս երեք օրերին ու ինչ է անելու Ադրբեջանի հարձակման հետևանքով Արցախի Հանրապետության վիրավոր քաղաքացիներին օգնելու համար։
«Մենք եկել ենք հստակ պահանջով. այսօր Արցախում գտնվում են վիրավորներ, ում չեն կարող համապատասխան բժշկական օգնություն ցուցաբերել։ Նրանց պետք է անհապաղ տեղափոխել Հայաստան։ Կան այնպիսի բուժաշխատողնր, ովքեր կամովի ցանկություն ունեն գնալ Արցախ»,- հայտարարեց ակցիայի մասնակիցը։
Բժիշկները կոչ արեցին ԿԽՄԿ-ին չմոռանալ իր առաքելությունը, չեզոքությունը չշփոթել անտարբերության ու անգործության հետ։
«Ձեր գործունեության ամենակարևոր բաղադրիչներից է հումանիտար աջակցություն ցուցաբերելը։ Ինչպե՞ս է ստացվում, որ այլ երկրներում դուք կարողանում եք իրականացնել այդ առաքելությունն ի նպաստ այդ երկրի ժողովրդի շահերի, իսկ երբ հարցը հասնում է Արցախում ապրող հային, դառնում եք միջազգային կազմակերպություն, հիշում ձեր չեզոքության մասին»,- նշեց բժշկական համայնքի ներկայացուցիչը։
Մանրամասները՝ տեսանյութում։
