17.08.2026 | 12:52
Եվս 3 հայ բռնցքամարտիկներ երիտասարդական ԵԱ-ի 1/4 եզրափակիչում են
Եթե պարզվի որևէ պաշտոնյա աշխատողին տանում է հանրահավաքի, կազատվի աշխատանքից․ Փաշինյան․ ՏԵՍԱՆՅՈՒԹ
Քաղաքականություն
13.09.2023 | 18:05
Վարչապետ Նիկոլ Փաշինյանը Ազգային ժողովում Կառավարության անդամների հետ հարց ու պատասխանի ժամանակ անդրադարձավ «Քաղաքացիական պայմանագիր» կուսակցության կողմից վարչական ռեսուրսի օգտագործմամբ հանրահավաքներին մարդկանց տանելու վերաբերյալ տեղեկություններին։
«Հայաստան» խմբակցության պատգամավոր Գեղամ Նազարյանը նշեց, որ իշխող ուժը մարդկանց պարտադրում է գնալ նախընտրական հանդիպումների և հավելեց․ «Որքան էլ ճշգրտեք, թե որ դպրոցներից են գնում, մեր աչքերին ու մեր ականջներին մենք ավելի ենք հավատում»։
«Եթե կպարզվի՝ ՀՀ որևէ մակարդակի որևէ պաշտոնյա որևէ աշխատողի վարչական լծակի օգտագործմամբ, ադմինիստրատիվ լծակի օգտագործմամբ տանում է հանդիպման, ընտրության, այդ պաշտոնյան ազատվելու է աշխատանքից: Ներում-բեկում չի լինելու. լինի դա ընդդիմությա՞ն, թե՞ իշխանության հանրահավաքը»,- այս մասին Ազգային ժողով-Կառավարություն հարցուպատասխանի ժամանակ հայտարարեց ՀՀ վարչապետ Նիկոլ Փաշինյանը՝ անդրադառնալով
«Եթե պարզվի, որ այդ մարդն ինձ ամենահարազատ մարդն է, երբ պարզվի, նա կդադարի լինել իմ հարազատ մարդը՝ մեկ, և կազատվի աշխատանքից՝ երկու:
Ցուցակները տվեք, հիմնավորումները տվեք, այս հարցուպատասխանը վերջինը չէ, հետո կասեք, կգանք, կանդրադառնանք»,- նշեց վարչապետը:
Մանրամասները՝ տեսանյութում։
