24.11.2024 | 13:22
ՏԿԵ նորանշանակ նախարարն ընտրվել է ՔՊ Արմավիրի տարածքային կազմակերպության խորհրդի նախագահ
Դաղստանցի լրագրող Աբդուլմումին Հաջիևը դատապարտվել է 17 տարվա ազատազրկման՝ ահաբեկչական կազմակերպությանը մասնակցելու մեղադրանքով
Քաղաքականություն
12.09.2023 | 23:02
Դաղստանի «Չեռնովիկ» անկախ պարբերականի լրագրող Աբդուլմումին Հաջիևը, որը մեղադրվում է ահաբեկչության ֆինանսավորման և ահաբեկչական կազմակերպությանը մասնակցելու մեջ, դատապարտվել է 17 տարվա ազատազրկման, գրում է BBC-ի ռուսական ծառայությունը։
Ռոստովի շրջանային զինվորական դատարանը մեղավոր է ճանաչել լրագրող Աբդուլմումին Հաջիևին և դատապարտել 17 տարվա ազատազրկման, հայտնում է «Չեռնովիկը»։ Քրեական գործով մյուս մեղադրյալները՝ Քեմալ Տամբիևն ու Աբուբաքար Ռիզվանովը, դատապարտվել են, համապատասխանաբար, 17,5 և 18 տարվա ազատազրկման։
Հաջիևն ավելի քան չորս տարի՝ 2019 թվականի հունիսից անազատության մեջ է։ Միաժամանակ, այս գործով կալանավորվել են ևս երկու մեղադրյալներ՝ գործարար Տամբիևը և «Անսար» հիմնադրամի համահիմնադիր Ռիզվանովը։ յս տարվա հունիսի 22-ին պետական մեղադրողը դատարանին խնդրել էր երեքին էլ դատապարտել 19 տարվա ազատազրկման։ Դատավճիռը մի քանի անգամ հետաձգվել է։
Ընդհանուր առմամբ, գործում ներգրավված է 11 անձ, մնացած ամբաստանյալները գտնվում են արտերկրում, և նրանց մեծ մասի մասին գրեթե ոչինչ հայտնի չէ։
Քննիչների տվյալներով՝ Հաջիևը, Տամբիևը, Ռիզվանովը և գործով մյուս մեղադրյալները մզկիթներ կառուցելու և աղքատ մահմեդականներին օգնելու պատրվակով ահաբեկիչների համար հավաքել են 68 միլիոն ռուբլի և 200 հազար դոլար։ Հետաքննությունը նրանց կապում է դաղստանցի քարոզիչ Իսրայել Ահմեդնաբիևի հետ, որը հայտնի է Աբու Ումար Սասիտլինսկի մականունով։
