Հասարակություն
07.09.2023 | 14:48Հայաստանն ակնկալում է, որ միջազգային հանրությունը և այն երկրները, որոնք ունեն լծակներ, ավելի ու ավելի մեծացնեն ճնշումն Ադրբեջանի վր և թույլ չտան հերթական պայթյունը մեր տարածաշրջանում: Այս մասին այսօր՝ սեպտեմբերի 7-ին, ԱԺ-ում լրագրողների հետ զրույցում նշեց ԱԺ արտաքին հարաբերությունների հանձնաժողովի նախագահ Սարգիս Խանդանյանը:
«Գիտեք, որ բավականին սրված է իրավիճակը՝ հաշվի առնելով, որ Ադրբեջանը թե ԼՂ-ի շուրջ, թե Հայաստան-Ադրբեջան սահմանի մոտակայքում լրացուցիչ ուժեր է մոբիլիզացնում: Այս իրավիճակում մենք աշխատում ենք բոլոր այն գործընկերների հետ, որոնք կարող են որոշակի լծակներ օգտագործել և ճնշել Ադրբեջանին, որպեսզի վերադառնա խաղաղության բանակցություններին կամ ավելի կոնստրուկտիվ լինի այդ բանակցություններին»,-ասաց Խանդանյանը։
Պատգամավորը հավելեց, որ այս պահին ՀԱՊԿ-ից դուրս գալու գործընթաց չի տարվում, թեև ՀԱՊԿ-ը «ձեռքերը լվացել ու դուրս է եկել Հայաստանից»։
«ՀԱՊԿ-ն անգործություն է ցուցաբերում Հայաստանի նկատմամբ»,- ընդգծեց Խանդանյանը՝ հավելելով, որ ՀՀ անվտանգության գլխավոր երաշխավորը ՀՀ ԶՈւ-ն է։
Անդրադառնալով Հայաստանի՝ դեպի ՆԱՏՕ գնալու հնարավորությանը, Խանդանյանն ասաց. «ՆԱՏՕ-ի հետ կապված քննարկումները ռոմանտիզացվում են մեր հանրությունում: Կան երկրներ, որոնք չունեն հակամարտություններ, աշխարհի ամենախաղաղ երկրներն են ու այսօր դժվարություններ ունեն ՆԱՏՕ-ին անդամակցելու հետ կապված, ինչպե՞ս եք պատկերացնում մոտ ապագայում Հայաստանի անդամակցությունը ՆԱՏՕ-ին: Ես ուղղակի տեխնիկապես և քաղաքական նկատառումներից ելնելով դրա հնարավորությունն ուղղակի չեմ տեսնում»:
Հարցին, իսկ նման ցանկություն Հայաստանն ունի, նա պատասխանեց. «Հայաստանի կառավարությունը երբևէ չի հայտարարել, որ ցանկանում է անդամակցել ՆԱՏՕ-ին. «Բայց գիտեք, որ ՆԱՏՕ-ի հետ կա համագործակցություն տարբեր բնագավառներում, հատկապես կրթական և այլ համատեղ գործողությունների շրջանակներում»:
Անդրադառնալով հարցին, թե ՀՀ ԱԺ-ն կընդունի՞ արդյոք Հռոմի ստատուը, Խանդանյանը պատասխանեց, որ Հռոմի ստատուտն ԱԺ է ուղարկվել առանց վերապահումների։
Մանրամասները՝ տեսանյութում։
