Քաղաքականություն
30.08.2023 | 15:21Ադրբեջանը չի թույլատրել, որպեսզի Ֆրանսիայից ուղարկված հումանիտար օգնությունը մուտք գործի Արցախ։ Այս խնդրին անդրադարձան ֆրանսիական պատվիրակության անդամները՝ Արցախի նախագահ Արայիկ Հարությունյանի և Փարիզի քաղաքապետ Անն Իդալգոյի օգոստոսի 30-ի առցանց համատեղ ասուլիսի ժամանակ:
«Մենք կազմակերպել ենք և ուզում ենք Արցախ հասցնել մարդասիրական բեռներով այս շարասյունը, թույլ տալու համար, որ միջազգային իրավունքն ամբողջապես գործի, մարդիկ կարողանան արժանապատիվ ապրել, բայց դա մեզ արգելվեց, ինչը մենք ուզում ենք ազդարարել և դատապարտել»,- նշեց պատվիրակության անդամը՝ կոչ անելով, որ միջազգային հանրությունն արթնանա։
Հիշեցնենք, որ օգոստոսի 30-ին Փարիզի քաղաքապետ Անն Իդալգոն Հայաստան է ժամանել՝ այցելելու Լաչինի միջանցքի սկզբնամաս և ուղեկցելու Ֆրանսիայից ժամանած մարդասիրական բեռներով ավտոշարասյունը, որը նախատեսված է Արցախի համար:
Ֆրանսիայի քաղաքներից Արցախին ուղարկված հումանիտար բեռներով 10 բեռնատար մեքենաներն առավոտյան Երևանից շարժվել են դեպի Լաչինի միջանցքի սկզբնամաս՝ Կոռնիձորի անցակետ: Հումանիտար օգնությունը հատկացրել են Փարիզ քաղաքը, Իլ դը Ֆրանս, Օվերն-Ռոն-Ալպ, Օ դը Ֆրանս, Օքսիտանիա, Լուարի երկիր ռեգիոնները։
Մանրամասները՝ տեսանյութում։
