26.06.2026 | 14:57
Արհեստական բանականության ոլորտում Հայաստան-ԱՄՆ համագործակցությունը նոր փուլ է մտնում
Հավայան կղզիներում հրդեհները շուրջ վեց տասնյակ մարդու կյանք են խլել
Քաղաքականություն
11.08.2023 | 22:59
Հավայան կղզիներում անտառային հրդեհների զոհերի թիվը հասել է առնվազն 55-ի, տասնյակ տուժածներ կան։ Այս մասին հայտնել է ամերիկյան այս նահանգի ղեկավար Ջոշա Գրինը։ Ավելի վաղ հաղորդվում էր 36 զոհի մասին, գրում է DW-ի ռուսական ծառայությունը։
«Մինչ հրդեհաշիջման աշխատանքները շարունակվում են՝ այսօր հաստատվել է ևս 19 մահվան դեպք»,- ասել է նահանգապետը։
Նրա խոսքով՝ հազարավոր մարդիկ մնացել են անօթևան և ապաստանի կարիք ունեն։ Նահանգապետը նաև կոչ է արել բնակչությանը կարիքավորներին տրամադրել մասնավոր բնակարաններ։
Գրինը ենթադրություն է հայտնել, որ զոհերի թիվը կշարունակի աճել․ «1960 թվականին, երբ ցունամին հարվածեց Մեծ կղզուն, 61 մարդ մահացավ։ Հավանական է, որ այս անգամ զոհերի թիվն ավելի մեծ կլինի»:
Սա, հավանաբար, ամենավատ բնական աղետն է Հավայի նահանգի պատմության մեջ, հավելել է նա։
Ավելի քան 14,000 մարդ է տարհանվել Մաուի կղզուց, որն առավել շատ է տուժել հրդեհից։ Սպասվում է, որ տարհանվածների ընդհանուր թիվը կգերազանցի 30 հազարը։
Հիշեցնենք, որ Մաուի կղզում մի քանի հրդեհ է բռնկվել օգոստոսի 8-ին։
