25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
G20-ը էներգետիկայի հարցով հանդիպմանը չի կարողացել համաձայնեցնել կոմյունիկեն
Քաղաքականություն
22.07.2023 | 13:29
«Մեծ քսանյակի» (G20) ներկայացուցիչները էներգետիկ անցման հարցերով աշխատանքային խմբի հանդիպմանը չեն կարողացել համաձայնեցնել ամփոփիչ փաստաթուղթը, այդ թվում՝ Ուկրաինայի հարցով տարաձայնությունների պատճառով: ТАСС-ի հաղորդմամբ՝ այս մասին շաբաթ օրը հայտնել է The Economic Times թերթը։
Վկայակոչելով աղբյուրներին՝ թերթը հայտնում է, որ նախարարների հանդիպման նախաշեմին համաձայնեցվել է կոմյունիկեի տեքստի շուրջ 60 տոկոսը: Մասնավորապես, տարաձայնությունները պահպանվում են Ուկրաինայի վերաբերյալ պարբերության շուրջ, որում դատապարտվում են Ռուսաստանի գործողությունները, ինչին դեմ են հանդես եկել ՌԴ-ի և Չինաստանի ներկայացուցիչները: Ջրածնային վառելիքի դասակարգման հարցում նույնպես կոնսենսուս չկա։
Պարբերականը նշում է, որ ՉԺՀ-ից պատվիրակները բարձրացրել են «կրիտիկական կարևոր հանքային հումքի» որոշման չափանիշների հարցը, որտեղ, մասնավորապես, ընդունված է ներառել հազվագյուտ հողային մետաղները, որոնց արդյունահանման հարցում առաջատար է Չինաստանը:
