13.01.2025 | 12:51
Ինֆորմացիայի պակասից է․ կարծում եմ՝ բավարար չափով չենք ներկայացրել․ Ավինյան․ ՏԵՍԱՆՅՈՒԹ
Ալիևը՝ Արցախի իշխանությունների հետ շփումների և Բաքվի ռազմական ագրեսիաների մասին
Քաղաքականություն
21.07.2023 | 18:55
Վրացի քաղաքագետ Գելա Վասաձեն, որը հայկական գրավյալ Շուշիում մասնակցում է Ադրբեջանի իշխանությունների կողմից կազմակերպված մեդիաֆորումին, Իլհամ Ալիևից հետաքրքրվել է Արցախի հայերի «ինտրեգրման» գործընթացից։ Ալիևը հայտարարել է, թե, իբր, Արցախի ղեկավարությունը գրավել է իշխանությունը։
«Այն խունտան, որը գրավել է իշխանությունը Ղարաբաղում, մարդիկ, որոնք իրենց անվանում են նախագահներ, պատգամավորներ, պատանդ են վերցրել նրանց, որոնք ապրում են այնտեղ, որտեղ տեղակայված են ռուս խաղաղապահները։ Մենք նախաձեռողականություն ենք դրսևորել, իմ կողմից հատուկ ներկայացուցիչ է նշանակվել, որը պետք է զբաղվեր Ղարաբաղի հայերի ներկայացուցիչների հետ շփմամբ։ Նա ուղարկվել է Ղարաբաղ, առաջին հանդիպումն այնտեղ է եղել։ Դրանից հետո մենք հրավիրել ենք նրանց Բաքու՝ երկխոսության համար, սակայն նրանք ցուցադրաբար հրաժարվել են։ Որոշ ժամանակ անց մենք նորից հրավիրեցինք, կրկին հրաժարվեցին։ Այդ ժամանակ ես ասացի, որ երրորդ հրավերը չի լինելու»,- հայտարարել է Ալիևը։
Նա նշել է, որ դրան ի պատասխան՝ Բաքուն Լաչինի միջանցքում անցակետ է տեղադրել։
«Եթե հետևեք մեր գործողություններին, ապա կտեսնեք տրամաբանություն և փաստարկներ։ Մենք ամեն ինչ ճիշտ ենք արել։ Անցակետի տեղադրումը փոխել է իրավիճակը, և չնայած ոչ միանգամից, սակայն բոլոր դերակատարներն ընդունեցին դրա տեղադրումը որպես օրինական։ Դա ևս մեսիջ է։ Ինքա՞ն կարելի է ակնարկել։ Եվ Փառուխի օպերացիան, հայ-ադրբեջանական սահմանի 2021 թվականի մայիսի իրավիճակը, 2022 թվականի սեպտեմբերին տեղի ունեցածը»,- ասել է Ալիևը՝ փաստորեն, ընդունելով ՀՀ-ի դեմ նախահարձակ ռազմական գործողությունների իրականացումն ու ՀՀ սուվերեն տարածքների գրավումը։
Նա նշել է, թե Արցախի հայերի ինտեգրումը, իբր, կախված է նրանից, թե «Ղարաբաղի հայերը երբ կազատվեն խունտայից»։
Արցախում անցկացվող բողոքի ակցիաներն էլ Ադրբեջանի նախագահը «ծիծաղելի շոու» է անվանել։
Էմմա Չոբանյան
