27.06.2026 | 01:05
ԱԱ-2026. Դեմբելեի հեթ-տրիկը հաղթանակ բերեց Ֆրանսիային, Սենեգալը խփեց 5 գոլ. ՏԵՍԱՆՅՈՒԹ
Ալիևը հայտնել է, թե առաջիկա օրերին Մոսկվայում ՀՀ-ի և Ադրբեջանի ԱԳ նախարարների հանդիպում է տեղի ունենալու
Քաղաքականություն
21.07.2023 | 17:34
Ադրբեջանի նախագահ Իլհամ Ալիևը հայտարարել է Ադրբեջանի և Հայաստանի արտգործնախարարների միջև Մոսկվայում առաջիկայում կայանալիք բանակցությունների մասին, գրում են ադրբեջանական լրատվամիջոցները։
«Բանակցությունների հաջորդ փուլն Ադրբեջանի և Հայաստանի ԱԳ նախարարների մակարդակով պետք է տեղի ունենա Մոսկվայում առաջիկա օրերին»,- ասել է Ալիևը մեդիաֆորումի ընթացքում։
Հավելենք, որ ավելի վաղ ՌԴ ԱԳՆ-ն էր հայտնել, որ պատրաստ է կազմակերպել Հայաստանի և Ադրբեջանի ԱԳ նախարարների մակարդակով բանակցությունների հերթական փուլը։ ՀՀ ԱԳՆ-ն իր հերթին հայտնել էր, որ դեռևս նման հանդիպման առաջարկ չի եղել ռուսական կողմից։
Ի դեպ, Ալիևը նաև իրատեսական է համարել մինչև այս տարվա վերջ Հայաստանի հետ խաղաղության պայմանագիր կնքումը։ Ըստ նրա՝ դա կարող է լինել, եթե Հայաստանը, իբր, «լիովին ձեռնպահ կմնա Ադրբեջանի նկատմամբ տարածքային պահանջներից»։
Էմմա Չոբանյան
