26.06.2026 | 22:30
Գիտնականներն արհեստական բանականության միջոցով ընթերցել են Վեզուվ հրաբխի ժայթքման ժամանակ այրված հին մագաղաթը
Որոշեցի իմ գործունեության վերջին տարիները ծառայեցնել դատարանների անկախությանը. Սուրեն Մնոյան․ ՏԵՍԱՆՅՈՒԹ
Քաղաքականություն
19.07.2023 | 21:46
Արագածոտնի մարզի ընդհանուր իրավասության դատարանի դատավոր Սուրեն Մնոյանն առաջադրվել էր որպես Բարձրագույն դատական խորհրդի դատավոր անդամի թեկնածու, սակայն դատավորներն այսօր չհաստատեցին նիստի օրակարգը, Խորհրդի անդամ չընտրվեց:
Սուրեն Մնոյանից փորձեցինք պարզել, թե ինչու է ցանկանում դառնալ ԲԴԽ անդամ:
«Որոշեցի գործունեությանս վերջին տարիները նվիրել դատավորների անկախությանը»,- ասաց Սուրեն Մնոյանը, սակայն չմանրամասնեց, թե ինչ խնդիրներ է տեսնում դատական համակարգում:
Անդրադառնալով դիտարկմանը, որ միայն մարզային դատարանների դատավորներն են ծանուցվել ԲԴԽ դատավոր անդամի թեկնածու դառնալու վերաբերյալ, Մնոյանը կարծիք հայտնեց, որ ոչ թե Դատական դեպարտամենտը, այլ դատավորները պետք է այդ հարցը որոշեն, ուստի պետք է ծանուցվեին ԲԴԽ դատավոր անդամի համար սահմանվող պահանջներին համապատասխանող բոլոր դատավորները:
Մանրամասները՝ տեսանյութում:
Արաքս Մամուլյան
