17.02.2026 | 01:59
Կարինա Ակոպովան ու Նիկիտա Ռախմանինը 14-րդ տեղը գրավեցին ձմեռային Օլիմպիական խաղերում
Դուք ինձ խանգարում եք. Մնացական Մարտիրոսյանը հրաժարվեց պատասխանել հարցերի․ ՏԵՍԱՆՅՈՒԹ
Քաղաքականություն
19.07.2023 | 17:24
«Ոչ մի լրատվամիջոցի հարցի չեմ պատասխանելու»,- այսօր Դատավորների ընդհանուր ժողովից առաջ, ի պատասխան լրագրողների հարցադրումների, նշեց Երևանի ընդհանուր իրավասության դատարանի դատավոր Մնացական Մարտիրոյանը՝ հավելելով՝ շատ զբաղված եմ, դուք ինձ խանգարում եք։
Նշենք, որ այսօր Դատավորներն ընդհանուր ժողով է հրավիրվել, որի օրակարգում Բարձրագույն դատական խորհրդի դատավոր անդամի ընտրության հարցն է։ ԲԴԽ-ում դատավոր անդամի թափուր հաստիք է առաջացել այն բանից հետո, երբ դատավոր Մեսրոպ Մակյանը հրաժարականի դիմում է ներկայացրել։
Բարձրագույն դատական խորհրդի կայքում առկա տեղեկատվության համաձայն՝ ԲԴԽ դատավոր անդամի թեկնածուներն են Արմավիրի մարզի ընդհանուր իրավասության դատարանի դատավոր Էդգար Հովհաննիսյանը, Արագածոտնի մարզի ընդհանուր իրավասության դատարանի դատավոր Սուրեն Մնոյանը և Լոռու մարզի ընդհանուր իրավասության դատարանի դատավոր Վարդուհի Հովնանյանը։
ԲԴԽ անդամի ընտրության համար ծանուցագրեր են ստացել միայն մարզերի ընդհանուր իրավասության դատարանի դատավորները, թեև ԲԴԽ անդամ ընտրվելու չափանիշին համապատասխանում են նաև այլ դատավորներ։
Մանրամասները՝ տեսանյութում։
