07.10.2026 | 12:01
Թրամփը հայտնել է, որ Պուտինի հետ հեռախոսազրույց կունենա Ռուսաստանում ժանտախտի իրավիճակի հետ կապված
Անձին 3 տարի աշխատանքի չեն ընդունել, քանի որ հաշմանդամություն է ունեցել. ՄԻՊ ներկայացուցիչ. ՏԵՍԱՆՅՈՒԹ
Քաղաքականություն
19.07.2023 | 16:15
ՄԻՊ ինստիտուտը միշտ կարևորում է հաշմանդամություն ունեցող անձանց զբաղվածության հարցը։ «Հաշմանդամություն ունեցող անձանց իրավունքների մասին ՀՀ օրենքի ընդունումից 2 տարի անց» թեմայով համաժողովի ընթացքում այս մասին վստահեցրեց Մարդու իրավունքների պաշտպանի աշխատակազմի կոնվենցիոն մանդատների ապահովման վարչության հաշմանդամություն ունեցող անձանց իրավունքների պաշտպանության բաժնի ավագ մասնագետ Անի Օահնջանյանը։
Նրա խոսքով՝ ՄԻՊ-ի դիտարկմամբ՝ աշխատանքը ոչ միայն միջոցներ հայթայթելու գործիք է, այլ նաև անկախ կյանք ապահովելու միջոց։ Դրա հետ կապված՝ ՄԻՊ-ն արձանագրել է մի շարք խնդիրներ։
«ՄԻՊ-ը քննում է պետական մարմինների դեմ ուղղված բողոքները, իսկ երբ քաղաքացիները դիմում են մեզ, մենք սահմանափակում ունենք, քանի որ երբ հարցը վերաբերում է մասնավոր ոլորտին, արձագանքում ենք, բայց չենք կարողանում որևէ գործնական լուծում տալ։ Օրինակ՝ եղել են դեպքեր, որ քաղաքացին մեզ դիմել է՝ ներկայացնելով, որ դիմել է տարբեր կազմակերպություններ աշխատանքի ընդունվելու համար, բայց տարիներ շարունակ նրան մերժել են, քանի որ հաշմանդամություն ունի, թեև գործատուն չի հայտնել, որ հենց դրանով է պայմանավորված մերժելը»,- նշեց ՄԻՊ ներկայացուցիչը։
Հավելենք՝ «Հաշմանդամություն ունեցող անձանց իրավունքների մասին ՀՀ օրենքի ընդունումից 2 տարի անց» թեմայով համաժողովի ընթացքում նախատեսվում է նաև ներկայացնել, թե Հայաստանում Կառավարության, Օրենսդիր մարմնի, ՄԻՊ-ի և հասարակական կազմակերպությունների կողմից ինչ քայլեր են իրականացվում օրենքի բարելավման ուղղությամբ։
Համաժողովի խոսնակներն են՝ Տաթևիկ Ստեփանյանը՝ ՀՀ աշխատանքի և սոցիալական հարցերի նախարարություն, նախարարի տեղակալ, Զարուհի Բաթոյանը՝ ՀՀ ԱԺ պատգամավոր, Անի Օհանջանյանը՝ Մարդու իրավունքների պաշտպանի աշխատակազմի կոնվենցիոն մանդատների ապահովման վարչության հաշմանդամություն ունեցող անձանց իրավունքների պաշտպանության բաժնի ավագ մասնագետ, Սուրեն Մաղաքյանը՝ ՀՀ Վարչապետի հասարակական հիմունքներով խորհրդական, Ներառական իրավական բարեփոխումների կոալիցիայի անդամ, Մուշեղ Հովսեփյանը՝ Ներառական իրավական բարեփոխումների կոալիցիայի համակարգող, Արմինե Սահակյանը՝ Ներառական իրավական բարեփոխումների կոալիցիայի անդամ, «Մենք կարող եք» ՀԿ նախագահ, Տիգրանուհի Հակոբյանը՝ Ներառական իրավական բարեփոխումների կոալիցիայի անդամ,«Էմիլի Արեգակ» հիմնադրամ։
Մանրամասները՝ տեսանյութում։
