30.04.2026 | 11:33
Խաբիբ Նուրմագոմեդովը հերքել է Արման Ծառուկյանի ասածը
Ուկրաինայում պատերազմի «լավ» ավարտը կենսական է Եվրոպայի համար․ Սթարմեր
Քաղաքականություն
02.03.2025 | 20:39
Լոնդոնում Ուկրաինային նվիրված գագաթնաժողովում Մեծ Բրիտանիայի վարչապետ Քիր Սթարմերը շեշտել է, որ Ուկրաինայում պատերազմի «լավ» ավարտը կենսական նշանակություն կունենա մայրցամաքի երկրների համար․ փոխանցում է BBC-ին։
«Նույնիսկ երբ Ռուսաստանը խոսում է խաղաղության մասին, շարունակում է իր անողոք ագրեսիան։ Սա է օրակարգը, և մենք պետք է պայմանավորվենք, թե ինչ քայլեր են ձեռնարկվելու այս հանդիպման արդյունքում՝ ապահովելու խաղաղությունը ուժի միջոցով՝ ի շահ բոլորի»,- նշել է Սթարմերը։
«Մենք պայմանավորվեցինք, որ մեր խումբը Ուկրաինայի հետ կաշխատի մարտերը դադարեցնելու ծրագրի շուրջ, այնուհետև այն կքննարկի ԱՄՆ-ի հետ և միասին կգործենք»,- հանդիպման ժամանակ ասել է Մեծ Բրիտանիայի վարչապետը։
Նա նշեց, որ այսօր ավելի վաղ հեռավար խոսել է «բալթյան դաշնակիցների» հետ։ Լատվիան, Լիտվան և Էստոնիան չեն հրավիրվել Լոնդոնի գագաթնաժողովին։
