26.06.2026 | 13:58
Ադրբեջանի բանտարկված ընդդիմության առաջնորդի աջակիցներն ահազանգում են՝ նրա կյանքը վտանգված է
Լոնդոնն ու Փարիզը կներկայացնեն Ուկրաինայում հրադադարի ծրագիր
Քաղաքականություն
02.03.2025 | 18:12
Մեծ Բրիտանիան և Ֆրանսիան մտադիր են Ուկրաինայում հրադադարի պլան մշակել։ Այս մասին հայտարարել է Մեծ Բրիտանիայի վարչապետ Քիր Սթարմերը BBC-ին տված հարցազրույցում։
«Մենք պայմանավորվել ենք, որ Մեծ Բրիտանիան Ֆրանսիայի և, հավանաբար, մեկ կամ երկու այլ երկրների հետ միասին կաշխատի Ուկրաինայի հետ մարտերը դադարեցնելու ծրագրի շուրջ»,- ասել է Սթարմերը: Դրանից հետո պլանը կքննարկվի ԱՄՆ-ի հետ։ Ըստ Սթարմերի՝ հրադադարի պլան մշակելու որոշումն ընդունվել է մարտի 1-ին Ուկրաինայի, Ֆրանսիայի և ԱՄՆ-ի նախագահների միջև բանակցություններից հետո։
Մեկնաբանելով Սպիտակ տանը Զելենսկու և Թրամփի միջև սկանդալը՝ Սթարմերը նշել է. «Ոչ ոք չի ուզում դա տեսնել»։ Նա հավելեց, որ հենց դրա համար էլ վերցրել է հեռախոսն ու խոսել միջոցառումների մասնակիցների հետ։ «Իմ նպատակն էր ինչ-որ կերպ հաղթահարել դա և վերադարձնել մեր ուշադրությունը կարևորի վրա», – բացատրեց Սթարմերը:
