06.09.2026 | 12:55
Շիրակի մարզի Արթիկ համայնքում փորձարկվելու է էլեկտրաշչակ
Առողջապահության մեջ շահույթ ստանալը չպիտի լինի առաջնային. ապաքաղաքական զրույց Դավիթ Մելիք-Նուբարյանի հետ. ՏԵՍԱՆՅՈՒԹ
Հաղորդաշարեր
02.03.2025 | 21:00
Factor TV-ի A-politic հաղորդաշարի հյուրն է «Մարգարյան ծննդատուն» մոր և մանկան առողջության պահպանման գիտահետազոտական կենտրոնի տնօրեն Դավիթ Մելիք-Նուբարյանը:
Նրա կարծիքով՝ առողջապահությունը սոցիալական ոլորտ է, և դիտարկել այն զուտ որպես բիզնես սխալ կլիներ: Մյուս կողմից՝ բժշկական ծառայությունները հնարավորինս մատչելի դարձնելու ամենակարճ ճանապարհը պարտադիր բժշկական ապահովագրությունն է:
Մասնագետի համոզմամբ՝ աշխատող մարդիկ պետք է վճարեն խոցելի խավերի բուժօգնության համար, ինչը հասարակական համերաշխության դրսևորում է: Իհարկե, ամեն մեկի մասնակցությունը պետք է կախված լինի իր եկամուտներից, բայց բոլորի ընդգրկումը պարտադիր է: Հաղորդման հյուրը հիշեցնում է, որ ԱՄՆ նախկին նախագահ Բարաք Օբամայի առաջարկած առողջապահական ծրագիրը գործում է, հակառակ պարագայում, բուժօգնությունից զրկված կլինեին տասնյակ միլիոնավոր ամերիկացիներ:
Մասնավոր և պետական առողջապահության «չափաբաժինների» խնդիրը, ըստ մասնագետի, ցավոտ է ու բարդ: Սակայն ամեն մի կոնկրետ դեպքում կարելի է լուծումներ գտնել: Մելիք-Նուբարյանի ղեկավարած կենտրոնում ծննդօգնությունն ամբողջությամբ անվճար է: Բայց եթե ծննդկանը նախընտրում է կոնկրետ բժշկի, ապա դրա համար պետք է որոշակի գումար վճարի:
Մանրամասները՝ տեսանյութում:
Արամ Աբրահամյան
