08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իսրայելը երկարաձգել է զինադադարը, սակայն արգելափակել դեպի Գազա հումանիտար օգնության մատակարարումը
Քաղաքականություն
02.03.2025 | 20:21
Իսրայելը որոշել է վեց շաբաթով երկարաձգել Գազայի հատվածում պաղեստինյան ՀԱՄԱՍ խմբավորման հետ ժամանակավոր զինադադարը։ Միաժամանակ, սակայն, Իսրայելի իշխանություններն արգելափակել են Գազայի հատված մարդասիրական բոլոր օգնության հասանելիությունը՝ պահանջելով, որ ՀԱՄԱՍ-ը համաձայնի հրադադարը երկարաձգելու ամերիկյան ծրագրին. գրում է BBC-ին։
Հրադադարի առաջին փուլն ավարտվել է շաբաթ օրը։ Իսրայելի վարչապետ Բենիամին Նեթանյահուի գրասենյակը հայտնել է, որ ՀԱՄԱՍ-ը մինչ այժմ հրաժարվել է ընդունել Դոնալդ Թրամփի բանագնաց Սթիվ Վիտկովի առաջարկած հրադադարի ժամանակավոր երկարաձգումը։
Պատանդների գործարքի առաջին փուլի ավարտի և ՀԱՄԱՍ-ի՝ բանակցությունները շարունակելու Վիտկովի պլանը չընդունելու պատճառով Նեթանյահուն որոշել է, որ այսօր առավոտից Գազայի հատված ապրանքների և բեռների բոլոր մատակարարումները կդադարեցվեն:
ՀԱՄԱՍ-ի ներկայացուցիչը հրադադարի համաձայնագրի շրջանակներում դեպի Գազա մատակարարումների արգելափակումն անվանել է «էժան շանտաժ» և կոչ է արել միջնորդներին միջամտել:
Պաղեստինյան խումբը պնդում է, որ համաձայնագրի երկրորդ փուլն ընթանա նախնական պայմանավորվածություններին համապատասխան, այն է՝ պատանդների և պաղեստինցի գերիների ազատ արձակմամբ և իսրայելական զորքերի դուրսբերմամբ Գազայից։
ՀԱՄԱՍ-ի խոսնակն ասել է. «Նեթանյահուի որոշումը՝ դադարեցնելու Գազայի հատվածին օգնության մատակարարումը, ևս մեկ անգամ ցույց է տալիս իսրայելական օկուպացիայի տգեղ դեմքը… Միջազգային հանրությունը պետք է ճնշում գործադրի Իսրայելի կառավարության վրա՝ դադարեցնելու մեր ժողովրդին սովամահ անելը»:
