07.10.2026 | 23:48
Արթուր Դանիելյանը կալանավորվեց
«Աշխարհի ամենահարուստ մուրացկանի» կարողությունը գնահատվում է 1 մլն դոլար
Քաղաքականություն
18.07.2023 | 23:22
Բհարատ Ջայնը վերջերս ճանաչվել է «աշխարհի ամենահարուստ մուրացկանը», որը տարիների ընթացքում կարողացել է ավելի քան մեկ միլիոն դոլար հավաքել, գրում է Israel National news-ը։
Նշվում է, որ նա Մումբայում բնակարան ունի, ինչպես նաև երկու խանութ, որոնք ամսական հարյուրավոր դոլարներ են բերում, բայց դեռևս շարունակում է երկաթուղային կայարանում ամեն օր մուրացկանությամբ զբաղվել: Ջայնը վերջերս ճանաչվել է «աշխարհի ամենահարուստ մուրացկանը» այն բանից հետո, երբ նրա կարողությունը գնահատվել է մոտ մեկ միլիոն դոլար: Նա այդքան գումար կուտակել է՝ շրջելով Հնդկաստանի մարդաշատ վայրերում, հատկապես՝ բազմամիլիոնանոց Մումբայ քաղաքում, ու թեև տարիների ընթացքում անշարժ գույք է ձեռք բերել, բայց շարունակում է մուրացկանություն անել:
Ըստ Economic Times-ի՝ Ջայնն աշխատում է օրական 10-12 ժամ և վաստակում է օրական մոտ հազար դոլար: Տարիների ընթացքում նա սկսել է սեփականություն ձեռք բերել իր համար և այսօր ապրում է Մումբայում՝ իրեն պատկանող երկու սենյականոց բնակարանում, որի արժեքը մոտ 150 հազար դոլար է։ Նա նաև երկու խանութ է վարձակալում, որից ամսական մոտ 400 դոլարի շահույթ է ստանում։
Նշվում է, որ թեև Ջայնը մանուկ տարիքում կրթություն չի ստացել, իր կուտակած հարստության շնորհիվ կարողացել է դպրոց ուղարկել սեփական երեխաներին։ Ըստ տեղեկությունների՝ ընտանիքը նախընտրում է, որ Ջայնը դադարի փողոցներում մուրացկանությամբ զբաղվել, սակայն նա պնդում է, որ հավատարիմ է մնում իր «սովորական աշխատանքին»:
Էմմա Չոբանյան
