15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վատ նախադեպ է, կարող է լրագրողների համար վատ հետևանքներ ունենալ. լրագրողը՝ ԲԴԽ գործողությունների մասին․ ՏԵՍԱՆՅՈՒԹ
Հասարակություն
04.07.2023 | 14:53
Արհեստական խոչընդոտ է եղել․ «Արդարադատությունը փակ դռների հետևում» թեմայով հրավիրված ասուլիսի ժամանակ այս մասին նշեց «Սիվիլնեթ»-ի լրագրող Գևորգ Թոսունյանը՝ անդրադառնալով դիտարկմանը, որ ԲԴԽ-ն թույլ չի տվել լուսաբանել դռնբաց դատական նիստը։
Նշենք, որ հուլիսի 3-ին լրագրողներին թույլ չեն տվել ներկա լինել դատավորներ Սամվել Թադևոսյանին, Աստղիկ Խարատյանին, Արտակ Բարսեղյանին, Տիգրան Պետրոսյանին ու Դավիթ Հարությունյանին կարգապահական պատասխանատվության ենթարկելու վերաբերյալ որոշման հրապարակմանը։ Թեև նիստը դռնբաց էր, բայց կարգադրիչները փակել էին դահլիճի մուտքը՝ պատճառաբանելով, թե դահլիճը բազմամարդ է։
Թուսունյանի դիտարկմամբ՝ ԲԴԽ-ն առերևույթ խախտել է հենց իր կողմից 2019թ․ ընդունված որոշումը, որով սահմանվել են ԲԴԽ-ի և լրագրողների փոխհարաբերությունները, որի 19-րդ կետի համաձայն՝ լրագրողները դռնբաց նիստերին իրավունք ունեն մասնակցելու առանց խոչընդոտի և առանց խտրականության։
Լրագրողի կարծիքով՝ ՝ սա վատ նախադեպ է, վատ ազդակ է՝ ուղղված դատական իշխաևությանը և կարող է լրագրողների համար վատ հետևանքներ ունենալ։
Մանրամասները՝ տեսանյութում։
