ՌԴ-ն կարո՛ղ է հեռանալ ՀՀ-ից․ վտանգ կա՝ ռուսներն իրենց դուրս գալը վաճառեն Թուրքիային և Ադրբեջանին՝ ի հաշիվ մեզ․ Արմեն Բաղդասարյան․ ՏԵՍԱՆՅՈՒԹ

Factor TV-ի հարցազրույցը քաղաքական մեկնաբան Արմեն Բաղդասարյանի հետ

-Մոսկվայի դեմ ապստամբությունից հետո ՌԴ նախագահն ուժայինների հետ հանդիպման ժամանակ խոստովանեց, որ «Վագներ»-ի սպասարկումը 2022թ․ մայիսից մինչև 2023թ․ մայիսը Ռուսաստանի պետբյուջեին արժեցել է 86, 3 մլրդ ռուբլի, 110 մլրդ ռուբլի պետությունը հատկացրել է վարձկանների ապահովագրական վճարների համար։ «Вести недели» հաղորդաշարի եթերում Եվգենի Կիսելյովը հայտարարեց, որ «Վագներ» ռազմական ընկերությունը ՌԴ իշխանությունից ստացել է 858 միլիարդ ռուբլի։ Ստացվում է, որ Ռուսաստանը ֆինանսավորել է ռազմական գործողություններ վարող և, ըստ Արևմուտքի, տեռորիստական կազմակերպության, որը ներգրավված է աշխարհի տարբեր երկրների կոնֆլիկտներում։

-Կարծում եմ՝ դա նորություն չպետք է լիներ որևէ մեկի համար, որովհետև ժամանակակից պատերազմներում, այո՛, մասնավոր ընկերությունների մասնակցությունը շատ լուրջ դերակատարում է ունենում, և քանի որ նրանք պետության պատվերն են կատրում, պետությունը նրանց ֆինանսավորում է այնպես, ինչպես Ուկրաինայում կա Մոցարտ անունով ռազմական կազմակերպություն։ Այդպիսի կազմակերպություններ կան նաև աշխարհի այլ երկրներում։ Հասկանալի է նաև, թե դա ինչու են թաքցրել, որովհետև թաքցելով դա՝ պետությունը խուսափում էր այն պատասխանատվությունից, որը կարող էր իր վրա կրել՝ հաշվի առնելով անմարդկային վերաբերմունքը, դաժանություններն ու ռազմական հանցագործությունները։ Կարծում եմ՝ դա նոր բան չէր, նոր բանն այն էր, որ այդ մասին պաշտոնապես են խոստովանում։

Հարցազրույցն ամբողջությամբ՝ տեսանյութում։

Ռոբերտ Անանյան