22.03.2026 | 21:42
Վահագն Խաչատուրյանն առանձնազրույց է ունեցել Վրաստանի նախագահի հետ
ԲԴԽ-ն պնդում էր, որ կարգապահական գործերով որոշումների հրապարակման ժամանակ նիստերի դահլիճում տեղ չկար․ ՏԵՍԱՆՅՈՒԹ
Տեսանյութեր
03.07.2023 | 15:15
Արդեն հայտնել ենք, որ Բարձրագույն դատական խորհրդն այսօր հրապարակեց դատավորներ Ռուբեն Բունիաթյանին, Աստղիկ Խառատյանին, Արտակ Բարսեղյանին, Տիգրան Պետրոսյանին, Դավիթ Հարությունյանին կարգապահական պատասխանատվության ենթարկելու վերաբերյալ Արդարադատության նախարարության միջնորդությունների գործով որոշումները։
ԲԴԽ-ն Ռուբեն Բունիթյանին հայտարարեց նկատողություն, դատավորներ Աստղիկ Խառատյանի, Արտակ Բարսեղյանի և Տիգրան Պետրոսյանի լիազորությունները դադարեցրեց՝ ՄԻԵԴ վճռի հիմքով հարուցված կարգապահական գործով, Դավիթ Հարությունյանի լիազորությունները դադարեցրեց ՝ լրագրողներին տված հարցազրույցում արտահայտած մտքերի համար։
Որոշումների հրապարակումների ժամանակ, սակայն, ԶԼՄ ներկայացուցիչներին չթույլատրվեց մուտք գործել նիստերի դահլիճ։ ԲԴԽ շենքի առաջին հարկում դատավարության մասնակից չհանդիսացող անձանց, այդ թվում՝ ԶԼՄ ներկայացուցիչների համար սենյակ էր առանձնացվել, և դատական դեպարամենտից առաջարկում էին այդ սենյակում տեղադրված էկրանից հետևել որոշման հրապարակմանը։ Դեպարտամենտից պնդում էին, թե դահլիճում տեղ չկա, մինչդեռ իրականում ներսում ազատ աթոռներ կային։ Դատավարության մասնակիցները, որոշումների հրապարակումից հետո լրագրողների հետ զրույցում հայտնեցին, որ դահլիճում ճանաչել են Դատական դեպարտամենտի աշխատակիցների։
Դավիթ Հարությունյանի փաստաբան Միհրան Պողոսյանը լրագրողների հետ զրույցում հիշեց. 2008 թվականի մարտի 1-ի իրադարձություններից հետո էլ դատարանի դահլիճներում մեծ թվով ոստիկաններ էին լինում, ու կարգադրիչները կրկին պնդում էին, որ նիստին հետևելու համար դատարան եկած քաղաքացիների համար տեղ չկա:
Տեսանյութը՝ նիստերի դահլիճից։
Արաքս Մամուլյան
