24.11.2024 | 11:53
Մխիթարյանն սկսել է ինքնակենսագրական գիրք գրել
Ադրբեջանին ստիպո՛ւմ են ՀՀ-ի հետ կնքել պայմանագիր․ Ալիևը ժամանակ է ձգում, որ ԼՂ-ի դեմ ուժ գործադրի․ Սարո Սարոյան․ ՏԵՍԱՆՅՈՒԹ
Քաղաքականություն
22.06.2023 | 21:02
Factor TV-ի հարցազրույցը քաղաքագետ Սարո Սարոյանի հետ
-ԱՄՆ-ը և Հայաստանը հաղորդում են Վաշինգտոնում հաջորդ շաբաթ ԱԳ նախարարների հանդիպման հավանականության մասին։ Նիկոլ Փաշինյանը Կառավարության նիստում նշում էր, որ ՀՀ-ն տրամադրված է խաղաղության հաստատմանը և պայմանագրի կնքմանը։ Ասում է՝ «Մեր պատվիրակությունն ԱՄՆ է մեկնում այս տրամադրվածությամբ»։ Ադրբեջանը, որը հրադադարի ռեժիմ է խախտում, հարձակվում է ՀՀ-ի, Լեռնային Ղարաբաղի վրա, դեռևս չի հաստատել իր մասնակցությունը։ Ամեն դեպքում, ինչքանո՞վ է հավանական այս փուլում ԱՄՆ-ի հովանո ներքո համաձայնության կայացումը։
-Այստեղ կողմերը հստակ իրենց ռազմավարությունն ունեն։ Հայաստանը մի կողմ եմ թողնում, Ադրբեջա՛նը խնդիր ունի։ Ադրբեջանն է, որ այս պահին շահագրգռված չէ նման կարգի համաձայնություններով, որովհետև ստացել է, կարելի է ասել, առավելագույնը, և իրեն դա հնարավորություն է տալիս արդեն ոչ թե իրավական և պայմանագրային հիմքերով ինչ-որ նոր դիրքեր գրավել, այլ ստանալով այն հանգամանքը, որ ՀՀ-ն ճանաչում է Արցախը Ադրբեջանի կազմում, դրանով արդեն անցնել մեկ այլ փուլի իրականացմանը՝ ռազմական ճանապարհով, ուժի կիրառմամբ Արցախում իր վերահսկողության հաստատմանը։
-Պայմանագիրը կխանգարի դա անել․․․
-Բնականաբար։ Այլ բան է, որ դրան հասնելու ճանապարհին կան որոշակի միջազգային ուժեր, որոնք ստիպում են նաև գնալ ՀՀ-Ադրբեջան հարաբերությունների կարգավորման ճանապարհով, այդ ժամանակ ձգելու քաղաքականությունն իրենք խելամտորեն պետք է օգտագործեն։ Բայց դա ոչ պայմանագիր կնքելու խնդիր է, այլ ժամանակ ձգելու։ Մենք տեսանք՝ մի անգամ արդեն հետաձգվեց վաշինգտոնյան այդ հանդիպումը Ադրբեջանի խնդրանքով։ Այնպես որ՝ իհարկե, նա խնդիր ունի այլ մեխանիզմներով անընդհատ ձգձգել, մինչև այն խնդիրները, որոնք հիմա իրեն հուզում են, դրանք կյանքի կոչեն, այդ թվում՝ «Զանգեզուրի միջանցքի» հետ կապված։ Եվ այդ տեսանկյունից, ամերիկյան կողմին, միգուցե, հաջողվի սեղանի շուրջ նստեցնել, բայց չի կարող հաջողել պայմանագիր ստորագրելու հարցում։
Հարցազրույցն ամբողջությամբ՝ տեսանյութում։
Ռոբերտ Անանյան
