13.01.2025 | 13:02
Զբոսաշրջությունը մոտ 7 %-ով նվազել է. նախարարը թվեր ներկայացրեց․ ՏԵՍԱՆՅՈՒԹ
Փաստաբանները գործադուլ կիրականացնեն․ ՏԵՍԱՆՅՈՒԹ
Հասարակություն
22.06.2023 | 17:23
Հունիսի 26-ին Փաստաբանները գործադուլ են իրականացնելու՝ ընդդեմ ոստիկանական բռնությունների և չեն մասնակցելու դատական նիստերի։ Փաստաբան Լուսինե Սահակյանը լրագրողների հետ զրույցում հիշեցրեց՝ ամիսներ առաջ ոստիկանական բաժնում երկու փաստաբանի նկատմամբ բռնություն գործադրելու մասին։ Օրեր առաջ էլ փաստաբան Կարեն Ալավերդյանն էր բարձրաձայնել իր նկատմամբ ոստիկանական բաժնում բռնություն գործադրելու մասին։
Լուսինե Սակահյանն այսօր Բարձրագույն դատական խորհրդի շենքի դիմաց էր, որտեղ շարունակվում էր Երևանի ընդհանուր իրավասության դատարանի դատավոր Դավիիթ Հարությունյանի վերաբերյալ կարգապահական վարույթի քննությունը։ Դատավորի նկատմամբ վարույթը հարուցվել է լրագրողներին տված հարցազրույցի համար։
Լուսինե Սահակյանն ասում է՝ դատավորներն իրավունք ունեն իրենց համայնքի շահերը պաշտպանելու։ «Եթե դատավորը չի բարձրաձայնում խնդրի մասին, ես նրան դատավոր համարել չեմ կարող։ Որովհետև եթե դու քո իրավունքը և քո գործընկերոջ իրավունքը չես կարող պաշտպանել՝ ապա ինչպե՞ս կարող ես արդարադատություն իրականացնել»,- ասաց Լուսինե Սահակյանը։
Արաքս Մամուլյան
Մանրամասները՝ տեսանյութում։
