24.11.2024 | 11:12
Ռուբլու փոխարժեքը շարունակում է իջնել
Արցախում կան հիվանդներ, որոնց բուժումը հնարավոր է բացառապես ՀՀ-ում․ Անահիտ Ավանեսյան․ ՏԵՍԱՆՅՈՒԹ
22.06.2023 | 16:16
«Հումանիտար իրավիճակը, իհարկե, ժամ-ժամ սրվում է, որովհետև պաշարները սպառվում են, բացի դրանից, երբ որ հետաձգվում են պլանային բժշկական օգնությունը, կարիքները չեն սպասարկվում, արդեն դառնում է անհետաձգելի կարիք»,- այս մասին այսօր՝ հունիսի 22-ին, լրագրողների հետ զրույցում ասաց Առողջապահության նախարար Անահիտ Ավանեսյանը։
Նախարարի հավաստմամբ՝ բոլոր գերատեսչությունները բոլոր խողովակներով արվում է ամեն ինչ, որ Արցախում այս իրավիճակը հանգուցալուծվի, մարդկանց և ապրանքների բնականոն տեղաշարժը վերականգնվի։
Ավանեսյանը վստահեցրեց, որ իրենք ամենօրյա կապի հետ Արցախի գործընկերների հետ, համագործակցում են, որ տեղի միջոցները շատ խիստ կերպով օգտագործելու համար։
«Արցախում կան հիվանդներ, որոնց բուժումը հնարավոր է բացառապես Հայաստանում։ Ստեփանակերտի հիվանդանոցը հագեցած է, ունի լավ մասնագիտական թիմ, բայց կան նեղ մասնագիտական ուղղություններ, որոնք հնարավոր է սպասարկել միայն Երևանում»,- նշեց Ավանեսյանը՝ հավելելով, որ ինչքան երկարի ճանապարհի փակ լինելը, հրատապ Երևան տեղափոխելու կարիք ունեցող հիվանդների թվի մեծացումն ավելի հավանական կլինի։
Մանրամասները՝ տեսանյութում։
