16.05.2026 | 17:02
Մայիսի 17-ից օդի ջերմաստիճանը կբարձրանա
Ալիևի հետագիծը նմանվում է Սադամ Հուսեինի ուղուն․ Ռուբինն առաջարկել է պատժամիջոցներ կիրառել Բաքվի դեմ․ ՏԵՍԱՆՅՈՒԹ
Քաղաքականություն
22.06.2023 | 13:06
Հունիսի 21-ին Թոմ Լանթոսի Մարդու իրավունքների հանձնաժողովի (TLHRC) լսումների ժամանակ ԱՄՆ Կոնգրեսի անդամներն օրենսդիրների ուշադրությունն են հրավիրել Արցախի քրիստոնյա հայ բնակչության դեմ Ադրբեջանի ցեղասպան գործողությունների ուղղությամբ:
«Պաշտպանելով Լեռնային Ղարաբաղի ժողովրդին» խորագրով լսումներին մասնակցել են կրոնական ազատությունների հարցով ԱՄՆ նախկին դեսպան, Կանզասի նախկին նահանգապետ Սեմ Բրաունբեքը, Ամերիկյան ձեռնարկատիրության ինստիտուտի (American Enterprise Institute) ավագ վերլուծաբան Մայքլ Ռուբինը, հայ-թուրքական հաշտեցման հանձնաժողովի (TARC) նախկին համակարգող, պաշտոնաթող ամերիկացի դիվանագետ Դեյվիդ Ֆիլիպսը, Հայաստանում ԱՄՆ նախկին դեսպան Ջոն Էվանը և այլք։
Մայքլ Ռուբինը, որը մասնակցել է ՀՀ-ում փաստահավաք առաքելությունը, համոզմունք է հայտնել, որ անհրաժեշտ է կիրառել ԱՄՆ օրենքներն Ադրբեջանի դեմ պատժամիջոցներ կիրառելու համար, այդ թվում՝ Ազատությանն աջակցող ակտի 907 հոդվածը, Մարդասիրական օգնության համար միջանցքի ակտն ու Մագնիտսկու ակտը։
«Նախագահ Ալիևը փոխվել է և ավելի անկառավարելի դարձել վերջին տասնամյակում։ Ես կասեի՝ նրա հետագիծը գրեթե նույնն է, ինչ մենք տեսանք Սադամ Հուսեինի դեպքում»,- հայտարարել է Մայքլ Ռուբինը։
Մանրամասները՝ տեսանյութում:
Տաթև Ֆռանգյան
