15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Չինաստանը կտրուկ կրճատել է ռուսական նավթի ներկրման ծավալը
Քաղաքականություն
20.06.2023 | 21:57
Հունիսի 1-ից 19-ն ընկած ժամանակահատվածում ռուսական նավթի մատակարարումները Չինաստան, որը Մոսկվայի նավթի արտահանման հիմնական ուղղություններից է, կտրուկ նվազել են: Այս մասին հայտնում է Lenta-ն։
Մայիսին նույն ժամանակահատվածում մատակարարումները կազմել են 0,67 մլն տոննա, ընթացիկ ամսում՝ 0,26 մլն, այսինքն՝ խոսքը գնումների ծավալի ավելի քան երկու անգամ կրճատման մասին է։ Չինաստանն օֆշորային փոխադրումներից ստացել է 300 հազար տոննա ռուսական նավթ, ինչը 120 հազարով պակաս է մայիսի 1-ից 19-ն ընկած Ժամանակահատվածի համեմատ։
Նավթի առևտրով զբաղվողներից մեկն ընդգծել է, որ պահանջարկի անկման պատճառ են դարձել իրանական նավթի զեղչերը, ուստի չինական անկախ նավթավերամշակման գործարանները, այսպես կոչված, սամովարները, անցել են դրան։ Աղբյուրը, սակայն, չի բացառել, որ հուլիսին կրկին ռուսական նավթի պահանջարկ կարող է առաջանալ։
Չինաստան նավթի մատակարարումների հետ կապված խնդիրը կարող է լինել ռուբլու արժեզրկման հիմնական պատճառը, որը նկատվում է վերջին շաբաթներին։
Ռուսական արժույթը Կենտրոնական բանկի սահմանափակումների ֆոնին գրեթե ամբողջությամբ կախված է նավթային ընկերությունների արտահանման եկամուտներից, և երբ դրանք նվազում են, դոլարի, եվրոյի և յուանի փոխարժեքները թարմացնում են ռեկորդային բարձր փոխարժեքները։
Տաթև Ֆռանգյան
