08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
ԵՄ վեց երկրներ կոչ են անում կասեցնել Սիրիայի դեմ պատժամիջոցները. Reuters
Քաղաքականություն
13.01.2025 | 22:29
ԵՄ անդամ վեց երկրներ՝ Գերմանիան, Ֆրանսիան, Իսպանիան, Նիդերլանդները, Դանիան և Ֆինլանդիան, կոչ են արել կասեցնել Սիրիայի դեմ պատժամիջոցները տրանսպորտի, էներգետիկայի և բանկային ոլորտներում, հայտնում է Reuters-ը՝ հղում անելով համապատասխան փաստաթղթին։
ԵՄ ԱԳ նախարարներն այդ հարցը կքննարկեն հունվարի 27-ին Բրյուսելում կայանալիք հանդիպմանը:
Վեց երկրների ներկայացուցիչների կողմից ստորագրված փաստաթղթում ասվում է, որ ԵՄ-ն «անհապաղ պետք է սկսի պատժամիջոցների ռեժիմի ճշգրտումը»: Այնուամենայնիվ, եթե նոր իշխանությունների կողմից մարդու իրավունքների և տարբեր փոքրամասնությունների իրավունքների պահպանման վերաբերյալ ԵՄ ակնկալիքները չկատարվեն, սահմանափակումները կարող են վերականգնվել։
Բաշար Ասադի և նրա ընտանիքի նկատմամբ կիրառվող սահմանափակող միջոցներն ուժի մեջ կմնան, ընդգծվում է փաստաթղթում։
Պատժամիջոցների վերացումը բացատրվում է քաղաքացիական թռիչքների դյուրացման անհրաժեշտությամբ և նավթի ու գազի տեխնոլոգիաների արտահանման, ինչպես նաև ԵՄ-ի ու Սիրիայի միջև ֆինանսական ուղիների բացման հետ կապված այլ հարցերով։
Թարգմանությունը՝ Տաթև Ֆռանգյանի
