30.04.2026 | 10:46
Պուտինը և Թրամփը հեռախոսազրույցում քննարկել են Հաղթանակի օրը Ուկրաինայում հրադադարի հաստատումը
Ստոկհոլմի թագավորական պալատի պահակն ընկել է և սվինահարել ինքն իրեն
Քաղաքականություն
13.01.2025 | 23:13
Շվեդիայի թագավորական գվարդիայի զինվորը Ստոկհոլմի թագավորական պալատում պահակախմբի հերթափոխի փոփոխության ժամանակ սայթաքել է և սվինահարել ինքն իրեն։ Նա հոսպիտալացվել է, հայտնում է տեղական Expressen պարբերականը։
«Նա սայթաքեց, անհարմար ընկավ՝ սվինով ծակելով գլուխը ականջի հետևում», – ասել է Շվեդիայի զինված ուժերի ներկայացուցիչ Բյորն Լինդաուն։
Տղամարդուն օգնել են այլ զինվորներ, իսկ հետո շտապօգնության մեքենայով տեղափոխվել Սոլնե կոմունայի հիվանդանոց: Ստացված վնասվածքները համարվել են կյանքին վտանգ սպառնացող, զինծառայողը վիրահատվել է։ Բժիշկների խոսքով՝ այն լավ է անցել, և զինծառայողի վիճակը կայունացել է։
Ըստ Radio Sweden-ի՝ պալատի շրջակայքում ավազ են շաղ տվել, իսկ հերթապահ պահակները ժամանակավորապես դադարեցրել են սվիններ օգտագործել: Սակայն դրանցից ամբողջությամբ հրաժարվելու պլաններ դեռևս չկան։
Թարգմանությունը՝ Տաթև Ֆռանգյանի
