26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Գործարանը սահմանից 400 մետր հեռավորության վրա է. հակառակորդը միշտ խախտում է հրադադարի ռեժիմը․ ՏԵՍԱՆՅՈՒԹ
Քաղաքականություն
15.06.2023 | 15:23
Ադրբեջանի կողմից հուլիսի 14-ի հրաձգության հետևանքներն առկա են գործարանի տարածքում, Հնդկաստանի երկու քաղաքացի է վիրավորվել, վիրավորներն առաջին բուժօգնություն ստանալուց անմիջապես հետո տեղափոխվել են բժշկական կենտրոն՝ հետագա բժշկական օգնություն ցուցաբերելու նպատակով: Երասխ այցելած Հայաստանում հավատարմագրված միջազգային դիվանագիտական կորպուսի ներկայացուցիչներին ադրբեջանական ագրեսիայի հետևանքներին ծանոթացնելով՝ մանրամասնեց 5-րդ բանակային կորպուսի հրամանատար, գնդապետ Սասուն Բադասյանը:
Արդյոք եղել են կրակոցներ դեպի բնակելի շենքերի տարածքներում, թե ոչ, գնդապետը նշեց, որ չի կարող ասել, քանի որ նման տեղեկատվության չի տիրապետում:
«Հակառակորդը մշտապես խախտում է հրադադարի ռեժիմը, մենք էլ շարունակում ենք մեր ծառայությունն իրականացնել պետական սահկանի պահպանման գործում»,-ասաց Բադասյանը:
Նշենք, որ Երասխ են այցելել Հայաստանում հավատարմագրված դեսպանատների ներկայացուցիչները՝ մոտ 40 երկրի դեսպաններ, ռազմական կցորդներ ու դիվանագետներ՝ տեղում ծանոթանալու երեկ և նախօրեին հայ-ադրբեջանական սահմանի Նախիջևանի հատվածից հնչած կրակոցների առաջացրած հետևանքներին։
Նրանք Սասուն Բադասյանից հետաքրքրվեցին, թե ինչու են հատկապես այս վայր եկել, ինչ կարող են տեսնել, ինչին կորպուսի հրամանատարը պատասխանեց. «Հիմա մենք սահմանից 400 մետր հեռավորության վրա ենք: Այստեղ են վիրավորվել երկու աշխատակիցները, որոնք Հնդկաստանի քաղաքացիներ են: Նրանք զինվորական ծառայության մեջ ընդգրկված չեն, իրենք աշխատում են այս գործարանում»:
Մանրամասները՝ տեսանյութում։
