Ատելության զգացում կա, որը երբեք չի եղել մեր երկրում․ Գեղամ Մանուկյան․ ՏԵՍԱՆՅՈՒԹ

Այս բոլոր բազմամիլիարդանոց ծախսերի մջ, ինձ հետաքրքիր է՝ Ֆինանսների նախարարությունը չէ՞ր կարող փող հատկացնել, մի քանի հարյուր հազար դրամ ամսական աշխատավարձ տալ, որ մի խելոք մարդ բերեին կառավարություն, նստեր Նիկոլ Փաշինյանի կողքը, ուղեկցեր տարբեր տեղեր, որ նրան, օրինակ, ասեր՝ Նիկո՛լ Փաշինյան, Մուրադ Բարդաքչեի հետ հանկարծ Անկարայում չնկարվես, այդ մարդը Թալեաթի օրագիրը տպելով՝ արդարացրել է Թալեաթի գործողությունները։ Այս մասին այսօր՝ հունիսի 15-ին, ԱԺ-ում ելույթի ժամանակ հայտարարեց «Հայաստան» խմբակցության պատգամավոր Գեղամ Մանուկյանը։

Ընդդիմադիր պատգամավորը նշեց, որ 2022թ-ի բյուջեի կատարողականի զեկույցի ընթացքում հարց է ուղղել ՆԳ փոխնախարարին, թե կա՞ վերլուծություն՝ որքա՞ն է ծախսվել ՀՀ տարածքում Նիկոլ Փաշինյանի տեղաշարժերի վրա, ինչին ի պատասխան փոխնարարաը հայտնել է, որ չի եղել նման ուսումնասիրություն։

«Նիկոլ Փաշինյանին շատ երկար եմ ճանաչում՝ լրագրողական ոլորտից, դրա համար ուզում եմ պարզ ասել, իրականում ոստիկանության մեջ բազմամիլիարդանոց ծախսեր են արվում մենակ մի բանի համար, որ Նիկոլ Փաշինյանը անցնի Երևանի մի փողոցից մյուսը, ՀՀ-ի մի գյուղից մյուս գյուղը։
Բնակիչներն արդեն գիտեն, որ եթե Սևանի մայրուղու վրա 2 մետրը մեկ ոստիկան է կանգնած, ուրեմն ճանապարհը հեսա ճանապարհը փակվում է։ Աննախադեպ է դարձել Հայաստանի բյուջեից հազարավոր ոստիկաններով մեկ մարդու շրջագայությունը։ Ժամանակին, երբ Փաշինյանը վարչապետ էր ընտրվել, հիշում եմ, որ մեքենան բաց պատուհաններով էր շրջում, հիմա պատուհանները փակ են․․․
Դա ոչ թե անվտանգության հարց է, այլ վախն է, որի պատճառով հազարավոր ոստիկանններ իրենց գործը թողած՝ ժամերով կանգնում են, որ մեկ մարդ մի տեղից գնա մյուս տեղը:

Վախը պատճառ է այն գիտակցման, թե ինչ ավերի է բերել հասցրել երկիրը, վախն է այն գիտակցման, որ մեր երկրում հազարավոր, տասնյակ հազարավոր մարդիկ ունեն մի զգացում՝ ատելության այնպիսի զգացում, որը երբեք մեր երկրում չի եղել»։

Այս հայտարարությունից հետո ԱԺ դահլիճից լսվեց ծիծաղ։ Գեղամ Մանուկյանն արձագանքեց. «Բերանդ մի բացիր… խոսում եմ՝ լսիր» ։

«Քաղաքացիները գիտակցում են, որ երկիրդ ղեկավարում է մեկը, որի պատճառով Եվրամիության պաշտոնյան հայտարարում է, որ նա առաջին ղեկավարն է, որը Արցախը ճանաչել է Ադբեջանի մաս։

ՀՀ քաղաքացին գետինն է մտնում, որ Էրդողանն ասում է՝ գիտեք Հայաստանը համաձայնվել է միջանցքին, բայց Պարսկաստանը թույլ չի տալիս։
ՀՀ քաղաքացին հիմա ականջներն է փակում, որովհետև այսքան ժամանակ չի տեսել, որ պաշտոնյան ադրբեջանական թեզերով այդքան փորձի արդարացնել, որ Արցախ Ադրբեջանի մաս է, որ Արարատը մերը չէ, որ այս ամեն ինչը կարելի է հանդուրժել, որ տավուշում կարող են ինչ-որ տարածք տալ»,- նշեց Գեղամ Մանուկյանը՝ ընդգծելով՝ ցավն է, որ ծնում է ատելություն։

Մանրամասները՝ տեսանյութում։