15.01.2026 | 22:37
ՀՀ տարածքում կան փակ ավտոճանապարհներ
Ադրբեջանի նպատակն է խոչընդոտել գործարանի կառուցումը. Արարատի մարզպետ․ ՏԵՍԱՆՅՈՒԹ
Տնտեսություն
15.06.2023 | 14:40
Ադրբեջանի գործողությունները միտում ունեն խոչընդոտելու ՀՀ սահմանամերձ բնակավայրերի բնականոն զարգացումը։ Երասխում լրագրողների հետ զրույցում այս մասին հայտարարեց Արարատի մարզպետ Սեդրակ Թևոնյանը։
Հիշեցնենք` ադրբեջանական ստորաբաժանումները հունիսի 13-ից պարբերաբար կրակում են Երասխի հատվածում տեղակայված հայկական դիրքերի ուղղությամբ։ Հունիսի 14-ին ՊՆ-ն հայտնեցմ որ Ադրբեջանի զինված ուժերը ժամը 11:45-ի սահմաններում կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորվել է Հնդկաստանի 2 քաղաքացի։
Մարզպետը հավելեց, որ ադրբեջանական կողմի պնդումները, թե բնապահպանական խնդիրներ կան, չի համապատասխանում իրականությանը։ «Հավաստիացնում եմ` բնապահպանական որևէ խնդիր չկա, միակ միտումը խանգարելն է, որ սահմանամերձ բնակավայրերը զարգանան»,-ընդգծեց մարզպետը։
Նա ընդգծեց, միջազգային գործընկերներին հրավիրել են Երասխ` գործարանի տարածք, որպեսզի տեսնեն, թե ինչ է կատարվում և իրենց ներդրումն ունենան խնդրի լուծման հարցում։
«Այս պահին միայն շինարարական աշխատանքներ են կատարվում, և էկոլոգիական խնդիրներ այստեղ այս պահին ընդհանրապես չկան»,– շեշտեց մարզպետը։
Թևոնյանի խոսքով` ամերիկյան կողմը ավելի քան 70 միլիոն ներդրում է կատարել մետալուրգիական գործարանում։ Գործարանի շինարարությունն ավարտելուց հետո մոտ 1000 աշխատատեղ է բացվելու։
Մանրամասները՝ տեսանյութում։
