09.09.2026 | 16:49
Ադրբեջանի և Հայաստանի արտգործնախարարների առաջիկա հանդիպման շուրջ պայմանավորվածություն կա․ խոսնակ
Համայնքային ոստիկանությունը պետք է լինի շատ ավելի ունիվերսալ, քան կա այսօր. փոխնախարար․ ՏԵՍԱՆՅՈՒԹ
Հասարակություն
13.06.2023 | 14:23
Ազգային ժողովում քննարկվում է կառավարության կողմից ներկայացված օրենսդրական նախաձեռնություն, որի համաձայն՝ համայնքային ոստիկանության շրջանակում իրականացվելու են տարբեր փոփոխություններ, համայնքային ոստիկանությունը կդառնա շատ ավելի ունիվերսալ՝ կատարելով թե՛ այս պահին իր առջև դրված խնդիրների իրականացումը, թե՛ զբաղվելով անչափահասների ու ընտանեկան բռնության գործերով:
«Ոստիկանության մասին» օրենքում լրացում կատարելու մասին և կից ներկայացված օրենքների նախագծերի փաթեթն ԱԺ նիստում ներկայացրեց ՀՀ ՆԳ փոխնախարար Արփինե Սարգսյանը:
«Առաջարկվում է համայնքային ոստիկանության շրջանակում կատարել տարբեր փոփոխություններ, որոնք կօժանդակեն այս ծառայությունն ավելի արդյունավետ իրականացնելուն:
Ոստիկանության բարեփոխումների շրջանակներում Ոստիկանությունը պատկերացնում ենք 4 հենասյունային ուղղություններով՝ քրեական ոստիկանությունը, պարեկային ծառայությունը, ոստիկանական գվարդիան և համայնքային ոստիկանությունը: Եվ հայեցակարգային որոշ փոփոխություններ ենք առաջարկում այս բնագավառում, որ այն առաջնային օղակը, որը տարածքներում շատ ավելի տեղեկացված է համայնքի իրավիճակից, կարողանա ավելի արդյունավետ արձագանքել տվյալ իրավիճակին։
Առաջարկվում է նաև սահմանել, որ համայնքային ոստիկանները նաև կիրականացնեն ոչ մեծ և միջին ծանրություններով օպերատիվ հետախուզական աշխատանք: Սա կիրականացնենք ենթաօրենսդրական դաշտի մակարդակում»,- նշեց փոխնախարարը:
Մանրամասները՝ տեսանյութում։
