16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
«Վեոլիա ջուր» ընկերության աշխատակիցները ապատեղեկացնո՞ւմ են ջրօգտագործողներին․ ՏԵՍԱՆՅՈՒԹ
Հասարակություն
04.07.2018 | 20:19
Այսօր մայրաքաղաքը կաթվածահար անող ջրանջատումների հինգերորդ օրն է։ Ուժգնացող տապի պայմաններում ջրազրկված բնակիչների նյարդերը տեղի են տալիս, քանի որ «Վեոլիա ջուր» ընկերության օպերատորները կամ չեն պատասխանում հեռախոսազանգերին, կամ էլ ոչ հավաստի տեղեկատվություն են հաղորդում։
Այսպես․ Factor.am-ին ահազանգած բնակիչներից մեկը, այլևս չհավատալով ընկերության կողմից տարածվող հաղորդագրություններին, փորձել է ինքը պարզել վթարի պատճառը։ Քաղաքացին չի զլացել և այցելել է մատնանշված Լեփսիուսի փողոց՝ տեղում պարզելով, որ վթարավերականգնողական ոչ մի աշխատանք չի իրականացվում, անգամ վթար չկա: Նախօրեին էլ ընկերությունն իր ֆեյսբուքյան էջում հաղորդագրություն էր տարածել, ըստ որի՝ Արարատյան պոմպակայանն արդեն գործում է և ջրանջատումներ այլևս չեն լինելու: Սակայն, ընդամենը մի քանի ժամ անց, տեղեկություն էր տարածվել, որ հուլիսի 4-ին կրկին ջրանջատումներ են լինելու Էրեբունի, Արաբկիր, Շենգավիթ ու Կենտրոն վարչական շրջաններում: Այսօր առավոտից էլ Քանաքեռ-Զեյթունն է անջուր մնացել:
Ջրանջատումներ կան նաև Դրոյի, Սարկավագի, Ֆարանջյան և Քանաքեռ փողոցներում, որտեղ ևս պնդում են, որ իրենց փողոցներում վթարավերականգնողական աշխատանքներ չեն տարվում: Ջրանջատման մասին էլ նախազգուշացնող հաղորդագրություն չեն ստացել:
