06.08.2026 | 15:09
Արենի համայնքին կհատուցվի 2.2 միլիոն դրամ. Դատախազության՝ պետշահերի հայցը բավարարվել է
Սևանն այս տարի էլ կկանաչի․ լավ տարի մեզ չի սպասվում․ Սիմիդյան․ ՏԵՍԱՆՅՈՒԹ
Տնտեսություն
06.06.2023 | 12:50
Սևանի մակարդակը իջել է, և այդ խնդիրը բոլորինն է, ոչ միայն շրջակա միջավայրի նախարարությանը: Այս մասին Ազգային ժողովում Բյուջե-2022-ի կատարողականի հաշվետվության քննարկումների ժամանակ ասաց ՇՄ նախարար Հակոբ Սիմիդյանը:
«Այս պահին ջրային ռեսուրսների վիճակը լավ չէ, մենք հիմա պարտավորված ենք Սևանից ջուր բաց թողնել ոռոգման համար, գյուղատնտեսությանը ոռոգման ջուր հասցնելու համար»,- ասաց Սիմիդյանը և հավելեց, որ այդ մասով բազմաթիվ անելիքներ կան ամենապարզ խնդրից՝ սակավաջուր տարի ունենալու ընթացակարգերը պարզ գրելուց մինչև ոլորտային կարգավորումների սահմանում, քանի որ վերջիններս բավականին թերի են:
Հակոբ Սիմիդյանը նաև նշեց, որ խնդիրների լուծման մասով աշխատում են նաև ՏԿԵՆ-ի հետ: Հիմնական նպատակը Սևանա լճի վրայից ճնշումը քչացնելն է, լճից քիչ ջուր բաց թողնելը:
«Այս տարի այդ իմաստով մեզ լավ տարի չի սպասում, և, ցավոք, Սևանը այս տարի էլ կկանաչի, և դժվարություններ կունենանք»,- նշեց նախարարը:
Մանրամասները՝ տեսանյութում։
