25.07.2026 | 15:55
Իրանի և Ղրղզստանի ԱԳ նախարարները մտքեր են փոխանակել երկկողմ և միջազգային օրակարգի հարցերի շուրջ
Տավուշի մարզպետի ճեպազրույցը՝ ՈՒՂԻՂ
Քաղաքականություն
06.06.2023 | 11:44
Տավուշի մարզում սահմանների հետ կպված որևէ փոփոխություն տեղի չի ունեցել։ Այս մասին այսօր ԱԺ-ում լրագրողների հետ զրույցում ասաց Տավուշի մարզպետ Հայկ Ղալումյանը:
Մարզպետի հավաստմամբ՝ Տավուշում մարդիկ իրենց բնականոն կյանքով ապրում են, ոչ մի խնդիր չկա:
Անդրադառնալով անկլավների մասին հարցերին՝ Ղալումյանը նշեց, որ հիմա բանակցություններ չկան, երբ լինեն, հանրությանը տեղյակ կպահվի։
«Ինչպես մենք ունենք տարածքներ Ադրբեջանի տիրապետության տակ, նույնն էլ ունեն նրանք՝ և՛ Տավուշի մարզում, և՛ ՀՀ տարբեր հատվածներում, այդ հարցը լուծվելու է, վարչապետը բազմիցս շեշտել է, բացատրել է, հարցը լուծվելու է սահմանազատման, սահմանագծման ընթացքում»,- նշեց Ղալումյանը։
Նա նաև հավելեց, որ, օրինակ, Բերքաբերի հատվածը՝ մոտ 950 հա, Ադրբեջանի վերահսկողության տակ է գտնվում։
«Եթե խոսքը վերաբերում է խաղաղության պայմանագրին, ինչ խնդիր ունենք մենք, նույնն ունեն ադրբեջանցիները, պետք է նստել սեղանի շուրջ, որոշել հարցերը»,- նշեց Տավուշի մարզպետը։
Մանրամասները՝ տեսանյութում։
