Մեծ բանավեճ կա՝ քաղհասարակությունը պետք է լինի պրոակտիվ, թե՞ ռեակտիվ. ապաքաղաքական զրույց Իզաբելլա Սարգսյանի հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է Եվրասիա համագործակցություն հիմնադրամի ծրագրի տնօրեն Իզաբելլա Սարգսյանը: Նրա հարծիքով՝ «քաղաքացիական հասարակություն» հասկացությունը մեզանում երբեմն չափից դուրս նեղ է մեկնաբանվում․ սրանում ներառվում են, օրինակ, մարզական ֆեդերացիաները և ստեղծագործական միությունները: Սակայն հասարակական կազմակերպություն ասելով՝ նկատի ունեն մի խումբ կազմակերպություններ, որոնք զբաղվում են հիմնականում իրավապաշտպան և բնապահպանական գործունեությամբ: Ընդ որում, հաճախ այդ կազմակերպությունների դեմ վարվում է նպատաուղղված քարոզչություն, որի նպատակն է ՀԿ-ներին «դեմոնիզացիայի» ենթարկելը:

Ինչո՞ւ են ՀԿ-ները զբաղվում ծառեր կտրելու խնդրով կամ թափառական շներին պաշտպանելով՝ մի կողմ դնելով այն աղետը, որը տեղի է ունենում մեր 120 հազար հայրենակիցների հետ: Ըստ հաղորդման հյուրի՝ եթե կան մեր ժողովրդի համար լուրջ անվտանգային խնդիրներ, ապա դա չի նշանակում, որ այս ընթացքում բոլոր ծառերը պետք է կտրվեն, բոլոր հանքերը շահագործվեն և ծաղկի ապօրինի շինարարությունը: Հասարակական կազմակերպությունները զբաղվում են այն խնդիրներով, որտեղ մասնագիտացած են:

Իզաբելլա Սարգսյանը համոզված է, որ մարդու իրավունքների գաղափարը, որը ձևակերպված է ամերիկյան և ֆրանսիական հեղափոխությունների ժամանակ, ինչպես նաև ՄԱԿ-ի 1948 թվականի Հռչակագրում, արդիական և կիրառելի է այսօրվա աշխարհում: Այն պետք է զերծ պահի պետական մարմիններին խնտրականությունից, իսկ քաղաքացիներին՝ նման քարոզից:

Ըստ իրապաշտպանի՝ մարդկանց որևէ սկզբունքով (օրինակ՝ սեռի, տարիքի, կրթության հատկանիշով) «դասակարգելը» մշտապես բերում է խիստ բացասական հետևանքների:

Մանրամասները տեսանյութում:

Արամ Աբրահամյան