15.01.2026 | 23:03
Ֆուտզալի Հայաստանի հավաքականի հերթական հաղթանակը
«Հարցում եմ անցկացրել՝ քանի՞ հոգու գիտեք,որ զարտուղի ճանապարհով բանակից ազատվել է կամ վարորդական իրավունք ձեռք բերել»․ Սասուն Խաչատրյան․ՏԵՍԱՆՅՈՒԹ
Հասարակություն
31.05.2023 | 17:44
Կրթության բացակայությունը կամ կրթության մեջ թերություններն ու բացթողումները բոլոր փորձանքների հիմքն են։ Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով կազմակերպված Ժողովրդավարության հայկական ֆորումի շրջանակներում ընթացող պանելային քննարկումների ժամանակ այս կարծիքը հայտնեց Հակակոռուպցիոն կոմիտեի նախագահ Սասուն Խաչատրյանը։
Նա օրինակ բերեց, նշելով, որ հանդիպումներ են իրականացվել ուսանողների շրջանում, քննարկման ժամանակ հարց է հնչել, թե արդյոք բոլոր նրանք, ովքեր դժգոհ են հակակոռուպցիոն պայքարից, իրենց հասանելիքն իրականացնում են այդ պայքարում, որպեսզի արդյունքներ գրանցվեն։
«Մենք վերացնում ենք հետևանքները, բայց պետք է պատճառը վերացնենք»,- ընդգծեց Խաչատրյանը։
Նրա խոսքով ՝ ուսանողների շրջանում իրականացված հարցման ընթացքում եղել են այսպիսի հարցեր․ քանի՞ հոգու գիտեք, որ զարտուղի ճանապարհով բանակից ազատվել է կամ վարորդական իրավունք է ձեռք բերել, ո՞ւմ ընկերն է հարբած նստել մեքենայի ղեկին։
«Ստացանք դրական պատասխաններ, բայց տեսանք այնպիսի իրավիճակ, որ որևէ մեկը պատրաստ չէ այդ մասին ահազանգելու։
Այս երևույթը նաև դաստիարակությունից է գալիս։ Մենք պետք է կարողանանք հասնել նրան, որ երեխան գիտակցի՝ օրենքը խախտելը լավ բան չէ և դրա մասին բարձրաձայնելն ամոթ չէ»,- նշեց Խաչատրյանը։
Մանրամասները՝ տեսանյութում։
