15.12.2024 | 19:20
Տանիքում շինարարական աշխատանքներ իրականացնելիս հանկարծամահ է եղել
ՀՀ ԱԳՆ-ն արձագանքել է ԱՄՆ պետդեպին․ Փաշինյանը՝ Հունգարիայի հետ կապերը վերականգնելու մասին․ Լուրեր. ՏԵՍԱՆՅՈՒԹ
Տեսանյութեր
31.05.2023 | 17:10
- ԱՄՆ-ը պետք է համարժեք արձագանքի Ադրբեջանի հայտարարություններին՝ կանխելու ՀՀ ինքնիշխան տարածքի նկատմամբ ծավալապաշտական քաղաքականությունը և ԼՂ-ում էթնիկ զտումների նկրտումները։ Այս մասին հայտարարել է ՀՀ ԱԳՆ խոսնակը՝ արձագանքելով ամերիկացի գործընկերոջ հայտարարություններին։ Հայկական կողմի հայտարարությունը հիշեցնում է, որ անհնար է չնկատել, որ Ադրբեջանի նախագահի՝ մայիսի 28-ին արված հայտարարությունները ոչ միայն չէին առաջարկում արժանապատիվ լուծումներ վերոնշյալ խնդիրներին, այլև հստակ սպառնալիքներ էին պարունակում Հայաստանի Հանրապետության ինքնիշխանության ու անկախության և Լեռնային Ղարաբաղի ժողովրդի՝ իրենց հայրենիքում անվտանգ և արժանապատիվ ապրելու իրավունքի նկատմամբ, ինչի մասին հայկական կողմը բազմիցս ահազանգել է։
- Վարչապետ Նիկոլ Փաշինյանն ընդունել է ԵԽԽՎ միգրացիայի, փախստականների և տեղահանված անձանց հարցերի հանձնաժողովի նախագահի առաջին տեղակալ Փոլ Գավանին, որը փաստահավաք առաքելությամբ Հայաստան է ժամանել «Լաչինի միջանցքով ազատ անվտանգ մուտքի ապահովում» զեկույցի նախապատրաստման շրջանակներում: Վարչապետն արձանագրել է, որ ադրբեջանական կողմը դադարեցրել է Հայաստանից ԼՂ գազի և էլեկտրաէներգիայի մատակարարումները, իսկ սնունդ տեղափոխվում է միայն խաղաղապահների միջոցով: Նա նշել է, որ այս ամենն Ադրբեջանի կողմից արվում է Լեռնային Ղարաբաղում էթնիկ զտումներ և ցեղասպանություն իրականացնելու նպատակով։
- Փաշինյանն ընդունել է նաև Հունգարիայի փոխվարչապետ Ժոլտ Շեյմենին: և գոհունակություն հայտնել երկար դադարից հետո երկկողմ դիվանագիտական հարաբերությունների վերականգնման կապակցությամբ: Փաշինյանը հույս է հայտնել, որ հնարավորինս կարճ ժամանակահատվածում Հայաստանն ու Հունգարիան կկարողանան բաց թողնվածը լրացնել: Նշենք, որ Հայաստանը կասեցրել էր Հունգարիայի հետ հարաբերությունները այն բանից հետո, երբ այդ երկիրը Բաքվին էր հանձնել Հունգարիայում ՆԱՏՕ-ի դասընթացի ժամանակ հայ սպա Գուրգեն Մարգարյանին քնած ժամանակ սպանած ադրբեջանցի զինծառայող Ռամիլ Սաֆարովին, որն էլ Բաքվում պարգևատրվել էր իր արարքի համար։
Այս ժամի լուրերը՝ տեսանյութում։
