26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Կառավարությունը կարող է կանխել ապատեղեկատվության տարածումը՝ տեղեկատվությունը ժամանակին տրամադրելով. փորձագետ․ ՏԵՍԱՆՅՈՒԹ
Քաղաքականություն
31.05.2023 | 14:44
Freedom House միջազգային իրավապաշտպան կազմակերպության և «Իրազեկ քաղաքացիների միավորման» ջանքերով արդեն երկրորդ տարին անընդմեջ անցկացվում է Ժողովրդավարության հայկական ֆորումը։
Ֆորումի շրջանակներում այսօր տեղի ունեցավ պանելային քննարկում «Անկախ լրատվամիջոցների հզորացման կարևորությունը ապատեղեկատվության դեմ պայքարում» թեմայով:
Ապատեղեկատվությունը ճնշում է գործադրում ժողովրդավարական երկրների հասարակական կյանքի վրա։ Նրանք, ովքեր ապատեղեկատվություն են տարածում, նպատակ ունեն խաթարելու քաղաքացիների վստահությունը ճշմարտությունը պաշտպանող ինստիտուտների նկատմամբ։ Քննարկման ժամանակ այս տեսակետը հայտնեց քաղաքական հաղորդակցության փորձագետ Կարինա Ավետիսյանը՝ ընդգծելով, որ փաստերից հրաժարվել նշանակում է հրաժարվել ճշմարտությունից։
Փորձագետը ապատեղեկատվության դեմ արդյունավետ պայքարելու համար կարևորեց ինչպես հասարակության յուրաքանչյուր անդամի, այնպես էլ Կառավարության դերը։
Նրա խոսքով՝ Կառավարությունը պետք է ապահովի անկախ ԶԼՄ-ների ներառականությունը։
«Կառավարությունը կարող է կանխել ապատեղեկատվության տարածումը՝ տեղեկատվությունը ժամանակին տրամադրելով»,- ընդգծեց քաղաքական հաղորդակցության փորձագետը։
Մանրամասները՝ տեսանյութում։
