27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
ՀՀ-ում ժողովրդավարության ներքին մարտահրավերներ կա՛ն.Վարդինե Գրիգորյանն արձագանքեց Փաշինյանին՝ Սպիտակի համայնքապետի օրինակով
Տեսանյութեր
31.05.2023 | 12:27
«Մենք ապրում ենք մի ժամանակաշրջան, որտեղ բոլորը, հատկապես պետական մակարդակում, համայնքային մակարդակում աշխատողները ստուգում են իրենց թույլատրելիության և չթույլատրելիության սահմանները»,- Ժողովրդավարության հայկական երկրորդ ֆորումի ժամանակ այս մասին նշեց Հելսինկյան քաղաքացիական ասամբլեայի Վանաձորի գրասենյակի ղեկավար Վարդինե Գրիգորյանը։
«Այսինքն՝ իրենք անընդհատ փորձարկումներ են անում՝ հասկանալու համար, թե իրենց ինչ է կարելի անել, եթե իրենք թիմի անդամ են։ Եվ սա շատ վտանգավոր տենդենց է, որը մենք տեսնում ենք տեղական մակարդակում։ Խնդիրը միայն ընտրությունները չեն, այո, ընտրություններն արդար էին, բայց արդյոք այդ ընտրություններին նախորդեցի՞ն ժամանակավոր պաշտոնակատարների նշանակումները, որոնք կարողացան մոբիլիզացնել վարչական ռեսուրսը։ Արդյո՞ք հարուցված քրեական գործերն իրոք արդար քրեական գործեր էին, թե՞ պայմանավորված էին քաղաքական լոյալությամբ կամ ոչ լոյալությամբ։ Սրանք հարցեր են, որոնք հուզում են հասարակությանը»,- նշեց Գրիգորյանը։
Գրիգորյանը մատնանշեց Սպիտակի համայնքապետի օրինակը՝ նշելով․ «Փաստացի խմբակցության ղեկավարը հեռացվեց կուսակցությունից այն պատճառով, որ բողոքում էր, թե համայնքի ղեկավարը պարտադրում է որոշումներ ընդունել առանց նիստերի ու առանց քննարկումների»։
Մանրամասները՝ տեսանյութում։
