07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Գագիկ Ծառուկյանի և Սեդրակ Առուստամյանի գործով դատական նիստը. ՈՒՂԻՂ
Հասարակություն
23.05.2023 | 11:23
Հակակոռուպցիոն դատարանում` նախագահությամբ դատավոր Արամ Գրիգորյանի, այսօր շարունակվում են «Բարգավաճ Հայաստան» կուսակցության նախագահ Գագիկ Ծառուկյանի և «Մուլտի գրուպ կոնցեռն» ՍՊԸ-ի տնօրեն Սեդրակ Առուստամյանի վերաբերյալ գործով նախնական դատալսումները:
Այս փուլում քննարկման առարկա են դառնում դատավորին ինքնաբացարկ, դատավարության մյուս մասնակիցներին բացարկ հայտնելու, մեղադրյալների խափանման միջոցի, քրեական հետապնդումը դադարեցնելու, գործի վարույթը կարճելու և այլ հարցեր:
Ծառուկյանն ու Առուստամյանը մեղադրվում են 2017 թվականին Հայաստանում տեղի ունեած Ազգային ժողովի ընտրությունների ժամանակ ընտրողներին կաշառք տալու մեջ, մեղադրանքը չեն ընդունում: Նախորդ նիստին Գագիկ Ծառուկյանը հայտնել էր, որ մեղադրական եզրակացությունը նույն օրն առավոտյան էր ստացել, ինչի հիմքով նիստը հետաձգվել էր:
Արաքս Մամուլյան
