Կրեմլում ռազմավարություն են մշակել՝ Բալթյան երկրներում ռուսական ազդեցությունը վերականգնելու համար

Լուրեր

23.11.2026 | 02:06
Հենրիխ Մխիթարյանը մասնակցել է «Ինտերի»՝ 4:4 հաշվով ավարտված խաղին. ՏԵՍԱՆՅՈՒԹ
22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
Բոլորը

Կրեմլը ռազմավարություն է մշակել՝ վերականգնելու Ռուսաստանի ազդեցությունը Բալթյան երկրներում, սակայն դրա իրականացմանը խոչընդոտում է Ուկրաինայում պատերազմը։ Այս մասին հայտնում է «Դոսյե» կենտրոնը՝ վկայակոչելով միջազգային լրագրողների կոնսորցիումի կողմից ձեռք բերված փաստաթղթերը։

Նյութերից հետևում է, որ «Ռուսաստանի Դաշնության ռազմավարական նպատակներն էստոնական, լատվիական և լիտվական ուղղություններով» անվանմամբ փաստաթուղթը դեռևս 2021 թվականին մշակվել է նախագահի աշխատակազմի սահմանային կապերի բաժնում՝ հատուկ ծառայությունների աջակցությամբ։ Նշվում է, որ նույն բաժինը մշակել է նաև մինչև 2030 թվականը Բելառուսը կլանելու և Մոլդովայի քաղաքականությանը միջամտելու ռազմավարությունը։

Ռուս պաշտոնյաները մտադիր էին մանիպուլյացիայի ենթարկել տեղի գործարարներին՝ ապահովելու Բալթյան կառավարությունների հավատարմությունը: Գործարարներին նախատեսվել է հավաքագրել ռուսական շուկան նրանց համար բացելու խոստումներով, եթե երկրները փոխեն քաղաքականությունը Մոսկվայի նկատմամբ։ Կրեմլը ցանկացել է ստեղծել «փափուկ ուժի» կազմակերպությունների ցանց, որոնք պաշտպանում են Ռուսաստանի հետ համագործակցությունը։ Մեկ այլ նպատակ էլ Բալթյան երկրների ռազմականացումն ու ՆԱՏՕ-ի նոր բազաների ստեղծումը թույլ չտալն է եղել։

Կրեմլը նախատեսում էր Լատվիային ներգրավել Ռուսաստանի հետ ընդհանուր օրակարգում (բալթյան տարածաշրջանի միջավայր, կրթություն, մշակույթ, հումանիտար համագործակցություն)՝ օգտագործելով գոյություն ունեցող տարածաշրջանային ձևաչափերը, օրինակ՝ Բալթիկ ծովի երկրների խորհուրդը։ Այստեղ Ռուսաստանը մտադիր էր ստեղծել նոր ռուսամետ հասարակական կառույցներ, հիմնադրամներ, հասարակական կազմակերպություններ։ 2030-ին Կրեմլը հույս է ունեցել հասնել Լատվիայում ռուսերենը որպես պետական լեզու ճանաչելուն, լուծել ԽՍՀՄ նախկին քաղաքացիների զանգվածային քաղաքացիության խնդիրը և Լատվիային ներգրավել Ռուսաստանի հետ քաղաքական դաշինքների մեջ:

Լիտվայի մասով Կրեմլում նախատեսել են կանխել «ԱՄՆ-ի և ՆԱՏՕ-ի այլ երկրների ռազմական ներկայության աճը, կրճատել ՆԱՏՕ-ի զորավարժությունների թիվն ու մասշտաբը և թույլ չտալ Լիտվայի կողմից հետխորհրդային երկրների ներքաշում ՆԱՏՕ-ի ազդեցության ոլորտ։ Հումանիտար ոլորտում նախատեսվում էր ընդլայնել ռուսական մշակութային ներկայությունը, պահպանել ռուսալեզու կրթության համակարգը, հուշարձանները, ինչպես նաև հակազդել «պատմության կեղծմանը» և «նացիզմի հերոսացմանը»։

2030 թվականին Կրելմում հույս են ունեցել ստեղծել Լիտվայում պայմաններ, որոնց պարագայում այդ երկրի ղեկավարությունը կընդունի, որ ՆԱՏՕ-ի ներկայությունը վնաս է հասցնում ազգային անվտանգությանը։

Էստոնիայի պարագայում Կրեմլում ծրագրել են ձևավորել ռուսամետ տրամադրություններ Էստոնիայի քաղաքական և ռազմական վերնախավերի շրջանում՝ հակազդելով երկիրը «ռազմականացնելու»՝ ՆԱՏՕ-ի ջանքերին։

Մինչև 2030 թվականը Կրեմլը նախատեսել է վերականգնել հարաբերություններն Էստոնիայի հետ քաղաքական, ռազմատեխնիկական և անվտանգության ոլորտներում, ամրապնդել ռուսամետ ազդեցության խմբերի արդյունավետությունը և ապահովել երկու երկրների միջև լայնածավալ առևտրատնտեսական համագործակցությունը։

Էմմա Չոբանյան