21.12.2025 | 21:24
«Ապահովել հավասար մրցակցային պայմաններ». վարչապետը՝ ԵԱՏՄ ներքին շուկայի խոչընդոտների մասին
ՌԴ-ի հաշվարկն է՝ Ադրբեջանը հարձակվի, ՀՀ-ն ստիպված ռուսական հսկողությամբ միջանցք տա․ Ստյոպա Սաֆարյան. ՏԵՍԱՆՅՈՒԹ
Քաղաքականություն
25.04.2023 | 21:02
Քսանչորս ժամ ուշացումով՝ Լաչինի միջանցքում Ադրբեջանի կողմից անցակետ դնելուն արձագանքել է Մոսկվան։ Լեռնային Ղարաբաղում խաղաղապահ առաքելություն ունեցող ՌԴ-ն մտահոգված է իրավիճակով, կոչ են արել կողմերին՝ անհապաղ վերադառնալ առկա պայմանավորվածություններին։ Ասում են, որ տեղի բնակչությունը չպետք է տառապի, և նրանց կենսագործունեության համար խոչընդոտներ չպիտի ստեղծվեն։ Ի դեպ, ՌԴ ԱԳՆ-ն նաև զգուշացրել է «արտաքին արևմտյան խաղացողներին և տեղական ռուսատյաց տարրերին, ովքեր աշխատում են իրենց պատեհապաշտ օրակարգի վրա, իրավիճակը սրելու փորձերից խուսափել, այդ թվում՝ Ռուսաստանին սևացնող արշավի միջոցով»:
Ռուսաստանի առաջ օբյեկտիվ հարցեր բարձրացնելն իր պարտավորությունների չկատարման վերաբերյալ ռուսատյացությո՞ւն է։ ՄԱՀՀԻ հիմնադիր, քաղաքագետ Ստյոպա Սաֆարյանը Factor TV-ին տված հարցազրույցում ասում է, որ սա ՌԴ-ից երեսպաշտական մեղադրանք է ռուսատյացության մասին, քանի որ այս պահին Լաչինում Ադրբեջանի և ՌԴ-ի դրոշներ են և անցակետ է դնում Ադրբեջանը։ Այնտեղ հայկական տարր չկա։
«Դո՛ւք եք պարտավոր ապահովել խաղաղություն, դո՛ւք պիտի հարցերի պատասխանեք, ոչ թե գնդակը նետեք ՀՀ-Ադրբեջան դաշտ։ Մեզ դրել են մի խաղի մեջ, որը ծվեն-ծվեն է անում Արցախը։ ՀՀ-ի դեմ ահաբեկչական գործելաոճ է գործադրվում՝ պատանդառել են Արցախը, որ Երևանից զիջումներ կորզեն։ Ռուսատյացություն չէ՝ ՌԴ-ին ասել, որ Ադրբեջանը ձեր աչքի առաջ Արցախը պատանդառել է։ Լաչինը ռուսական պատասխանատվության գոտի է, ոչ թե ռուս-ադրբեջանական։ Ադրբեջանի դրած անցակետն ապօրինի է, ո՞ւմ հարց տանք»,- ասաց Ստյոպա Սաֆարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
