15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Իմ ազգականին վռնդել եմ՝ սպայի մասին վատ խոսելու համար․ Փաշինյանը՝ 5-րդ շարասյան մասին․ ՏԵՍԱՆՅՈՒԹ
Քաղաքականություն
18.04.2023 | 14:16
Վարչապետ Նիկոլ Փաշինյանն այսօր Ազգային ժողովում անդրադարձավ 5-րդ շարասյան մասին հարցին՝ հայտարարելով, որ այս պահի դրությամբ ավելի քան 53 անձ, այդ թվում բարձրաստիճան սպաներ, պետական դավաճանության գործով է անցնում:
«Ի՞նչ է պետական դավաճանությունը․ մարդիկ փողի դիմաց իրենց դիրքերի տեղերը փոխանցել են հակառակորդին»,- նշեց վարչապետը:
Նիկոլ Փաշինյանը հայտնեց նաև, որ պատերազմի ժամանակ իր ազգականներից մեկը եկել է իր աշխատասենյակ ու ասել՝ բարձրաստիճան սպաներից մեկը զորքի մեջ խուճապ է տարածում, ասում է․«Նիկոլը հողերը տվել է, անիմաստ է կռվելը»:
«Ես իմ ազգականին դուրս եմ արել, վռնդել եմ սենյակից, ասել եմ՝ դու եկել ես ՀՀ բանակի սպայի մասին ինձ բա՞ն ես ասում:
Վերջերս պատահաբար իմանում եմ, որ ինչ-որ առիթով քրեական գործ է հարուցվել և այդ դրվագը հիմնավորվելու շատ մեծ հնարավորություն ունի», – նշեց Փաշինյանը
Վարչապետի խոսքով՝ այս իրավիճակով պայմանավորված՝ դատաիրավական համակարգում գործընթացները դանդաղ են գնում, բայց գնում են:
«Մեր նպատակն անկախ դատական համակարգ ունենալն է, ու սրա մեջ բացարձակ ձև, կեղծավորություն չկա: Իմ գնահատականն այն է, որ մենք շարժվում ենք դեպի դա, ընդ որում՝ ցավոտ կերպով, որովհետև ժողովուրդն ասում է՝ «չհասկացա՝ փոխանակ թոշակ բարձրացնեք, դատավորի աշխատավարձ եք բարձրացնո՞ւմ»: Բայց իմ համոզմունքը եղել է ու շարունակում է մնալ հետևյալը՝ մենք դատավորների աշխատավարձը բարձրացնում ենք հանուն քաղաքացիների», – ընդգծեց Փաշինյանը վստահեցնելով, որ շարունակում են ինստիտուցիոնալ մեխանիզմենորվ պայքարը կոռուպցիայի դեմ:
Մանրամասները՝ տեսանյութում։
