14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Շատ հարցերի պատասխանները քաղաքական իշխանության խնդիրն են, ոչ թե զինվորականների. Սեյրան Օհանյան․ ՏԵՍԱՆՅՈւԹ
Քաղաքականություն
13.04.2023 | 20:20
«Բավականին բուռն քննարկում տեղի ունեցավ 3 ժամ և մի քիչ էլ ավելի: Այդ քննարկումների ընթացքում իրենք ներկայացրեցին իրավիճակը Տեղ գյուղի հատվածում, նաև պատասխանեցին շատ մտահոգիչ հարցերի, որոնք վերաբերում են ուժային կառույցներին, զինված ուժերին և այլ հատվածներում հակառակորդի հնարավոր սադրանքների, և մեր պատրաստության վերաբերյալ»,- այս մասին այսօր ԱԺ-ում ՀՀ ԶՈւ ղեկավար կազմի հետ փակ քննարկումից հետո ասաց «Հայաստան» խմբակցության պատգամավոր, Պաշտպանության նախկին նախարար Սեյրան Օհանյանը։
Օհանյանն ընդգծեց, որ ՀՀ-ն և Արցախը իրար հետ կապող միջանցքի շրջանակներում է տեղի ունեցել Տեղի սահմանի սադրանքը, և, քանի որ խոսքը վերաբերում է բանակցային գործընթացին, ԳՇ պետը շատ հարցերի չէր տիրապետում:
«Բացթողումները վերաբերում են ՀՀ քաղաքական իշխանությունների գործողություններին, որոնք որ պետք է կանխավ համագործակցություն կազմակերպեն ուժային կառույցների միջև: Մենք պետք է այդ խնդիրներին վերաբերենք չափազանց լուրջ, դիրքերի զբաղեցումը, պաշտպանությունը և այլնը պետք է տեղի ունենա այն շահերից ելնելով, որը բխում է հայկական կողմից»,- նշեց Օհանյանը։
Մանրամասները՝ տեսանյութում։
