14.09.2026 | 18:10
ԵՄ ներկայացուցիչը Երևանում է // Միացյալ Թագավորության երեք երկրներն անկախության գործընթաց կսկսեն․ ԼՈՒՐԵՐ
Երևանի կանաչ ֆոնդի մասսայական հատումների վերաբերյալ դիմումն ուղարկվել է Երևանի Կենտրոն և Նորք-Մարաշ վարչական շրջանների դատախազություն
Հասարակություն
13.04.2023 | 18:18
Երևանի քաղաքապետարանի և «Կանաչապատում և շրջակա միջավայրի պահպանություն» ՀՈԱԿ-ի կողմից իրականացրած Երևանի կանաչ ֆոնդի մասսայական հատումների վերաբերյալ ՀՀ գլխավոր դատախազություն ներկայացրած գրավոր դիմումն ուղարկվել է քննության Երևան քաղաքի Կենտրոն և Նորք-Մարաշ վարչական շրջանների դատախազություն։ Այս մասին տեղեկացնում է ֆեյսբուքյան օգտատեր Սրբուհի Ղազարյանը։
«Սթափ գիտակցելով, որ սահմանային և անվտանգային իրավիճակով պայմանավորված խնդիրների առաջնահերթության հետ գործ ունենք, սակայն հարկ համարեցի տեղեկացնել, որ Երևան քաղաքի դատախազությունից ստացված տեղեկության համաձայն, Երևանի քաղաքապետարան / Yerevan Municipality -ի և «Կանաչապատում և շրջակա միջավայրի պահպանություն» ՀՈԱԿ-ի կողմից իրականացրած Երևանի կանաչ ֆոնդի մասսայական հատումների վերաբերյալ մեր` ՀՀ գլխավոր դատախազություն ներկայացրած գրավոր դիմումը 11․04․2023 թվ-ին հսկողականով ուղարկվել են քննության Երևան քաղաքի Կենտրոն և Նորք-Մարաշ վարչական շրջանների դատախազություն։ Կրկին՝ անաչառ և օբյեկտիվ քննության ակնկալիքներով՝ շնորհակալ ենք ՀՀ գլխավոր և Երևան քաղաքի դատախազությանը հետևողականության համար»։
